حنا طارق نے کراچی اور لاہور کی بریانی کا موازنہ کردیا

میں پاپا کی شہزادی ٹائپ والی لڑکی ہوں، گھر کا کھانا بھی بہت یاد آتا ہے،انٹرویو

ہفتہ 31 مئی 2025 11:45

کراچی(اُردو پوائنٹ اخبارتازہ ترین - این این آئی۔ 31 مئی2025ء)اداکارہ حنا طارق نے کراچی اور لاہور کی بریانی کا موازنہ کردیا۔ایک انٹرویو میں اداکارہ حنا طارق نے بتایاکہ کراچی کے کھانے بہت اچھے ہیں، مجھے مندی اور نہاری پسند ہے، بریانی لاہور اور کراچی کی ایک جیسی ہے لیکن لوگ نہیں مانتے، مجھے والدہ کی ہاتھ کی بریانی اچھی لگتی ہے۔

(جاری ہے)

اداکارہ نے کہا کہ کراچی کے لوگ اچھے ہیں لیکن میرا زیادہ تر وقت کام میں گزر جاتا ہے، اتوار کا دن ملتا ہے جس میں کہتی ہوں کہ بس سونا ہے۔

اداکارہ نے کہا کہ کراچی کی سڑکیں بہت خراب ہیں لیکن باقی سب ٹھیک ہے۔حنا طارق نے کہا کہ میں سب کو دیکھتی ہوں کہ وہ گھر جاتے ہیں تو والدین ساتھ ہوتے ہیں لیکن میں جاتی ہوں تو اکیلی ہوتی ہوں۔انہوں نے کہا کہ میں ہمیشہ فیملی میں ہی رہی ہوں، میرے کوئی دوست نہیں ہیں، کزنز کے ساتھ باہر جاتی تھی۔حنا طارق نے بتایا کہ کراچی آکر یہ بہت مشکل ہوئی ہے میں پاپا کی شہزادی ٹائپ والی لڑکی ہوں، گھر کا کھانا بھی بہت یاد آتا ہے۔