Live Updates

گورنر خیبر پختونخوا سے تخت بھائی کے 12رکنی گرینڈ جرگہ کی ملاقات

آج)پیر اعلان شدہ احتجاج موخر ،مسائل کے حل کیلئے کردار ادا کرنے پر گورنر کا شکریہ ادا

اتوار 1 جون 2025 20:10

پشاور(اُردو پوائنٹ اخبارتازہ ترین - این این آئی۔ 01 جون2025ء)گورنر خیبر پختونخوا فیصل کریم کنڈی سے اتوار کے روز تحصیل تخت بھائی کے 12رکنی گرینڈ جرگہ نے کنوینئر نعمان یوسف کی سربراہی میں اسلام آباد میں انکی رہائشگاہ پر ملاقات کی۔ اس موقع پر پیپلزپارٹی کے صوبائی صدر محمد علی شاہ باچا بھی موجود تھے۔گرینڈ جرگہ اراکین گورنر خیبر پختونخوا کو تخت بھائی ضلع مردان میں جاری ظالمانہ لوڈ شیڈنگ سے متعلق آگاہ کرتے ہوئے بتایا کہ نوے فیصد ریکوری کے باوجود اٹھارہ سے بائیس گھنٹے کی لوڈ شیڈنگ کی جارہی ہے۔

گورنر نے اس موقع پر پیسکو چیف سے رابطہ کیا اور انہیں جرگہ کے مسائل کو فورا حل کرنیکی ضرورت پر زور دیا۔ گورنر نے کہا کہ بجلی چوری کے سدباب میں جرگہ ممبران بھی واپڈا سے تعاون کریں۔

(جاری ہے)

وفد نے گورنر خیبرپختونخوا کی فوری مداخلت پر (آج)پیراعلان شدہ احتجاج کو فوری طور پر موخر کردیا اور ان کے مسائل کے حل کیلئے کردار ادا کرنے پر گورنر کا شکریہ ادا کیا۔

جرگہ اراکین میں پی پی پی صوبائی نائب صدر شعیب عالم خٹک، سابق ایم پی اے میاں نادر شاہ صاحب ، پی پی پی ضلعی رہنما اورنگزیب خان ، جماعت اسلامی کے فضل ربانی ایڈوکیٹ ، جمعیت علمائے اسلام کے حافظ محمد سعید ، مسلم لیگ ن کے میاں عبدالرحمان ،پی پی پی رہنما اسد خان، جاوید اقبال ناظم، تحریک تحفظ چئیرمین سردراز خان،حاجی محمد یوسف، میاں سعید اللّٰہ خان،شاہ حسین ایڈووکیٹ، عمران خان، یوتھ پارلیمنٹ کے علامہ محمد صدیق ، پریس کلب کے صدر مسلم صابر موجود تھی.