متحدہ عرب امارات ، شارجہ میں الحمریہ بندرگاہ پر آگ لگ گئی

آگ لگنے کی اطلاع ملتے ہی پورٹ اتھارٹی کے تعاون سے فوری کارروائی کی گئی،شارجہ پولیس

پیر 2 جون 2025 16:49

شارجہ(اُردو پوائنٹ اخبارتازہ ترین - این این آئی۔ 02 جون2025ء)متحدہ عرب امارات کی ریاست شارجہ کی الحمریہ پورٹ پر موجود آتشگیر مواد کو آگ لگ گئی، کسی جانی نقصان کی اطلاع نہیں ملی۔ عرب ٹی وی کے مطابق شارجہ ڈیفینس اتھارٹی، شارجہ پولیس اور نیشنل گارڈ کی ٹیمیں آگ پر قابو پانے کی کوشش کر رہی ہیں۔

(جاری ہے)

ہیلی کاپٹر بھی آگ بجھانے کے عمل میں شریک ہیں۔ آگ لگنے کی اطلاع ملتے ہیںپورٹ اتھارٹی کے تعاون سے فوری کارروائی کی گئی۔شارجہ پولیس نے بیان میں لوگوں پر زور دیا کہ وہ الحمریہ پورٹ پر آتشزدگی کے حوالے سے صرف سرکاری ذرائع سے معلومات حاصل کریں۔قانونی گرفت سے بچنے کیلیے آگ سے متعلق کوئی بھی تصویر یا وڈیو شیئر کریں اور نہ افواہیں پھیلائیں۔