مسجد نمرہ میں توسیع کے بعد کا رقبہ ایک لاکھ 10 ہزار مربع میٹرہو گیا

سعودی حکومت کی توسیع سے قبل مسجد نمرہ کی لمبائی 90 جبکہ چوڑائی 80 میٹرہوا کرتی تھی،عرب ٹی وی

جمعرات 5 جون 2025 14:03

مسجد نمرہ میں توسیع کے بعد کا رقبہ ایک لاکھ 10 ہزار مربع میٹرہو گیا

مدینہ منورہ (اُردو پوائنٹ اخبارتازہ ترین - این این آئی۔ 05 جون2025ء)سعودی وزارت اسلامی امور نے میدان عرفات مسجد نمرہ میں عازمین حج کے خیر مقدم کے لیے تیاریااں مکمل کر لیں۔عرب ٹی وی کے مطابق حجاج کو عبادت کے لیے پرسکون ماحول کی فراہمی کے لیے مسجد کے ایک لاکھ 25 ہزار مربع میٹر رقبے میں آرام دہ قالین بچھائے گئے ہیں۔مسجد کے اطراف ماحول کو ٹھنڈا رکھنے کیلیے 117 پھوار والے پنکھے نصب کیے گئے ہیں جس سے درجہ حرارت میں اوسطا 9 ڈگری سینٹی گریڈ کم آتی ہے۔

صحت مند ماحول کیلیے 70 واٹر چلر نصب ہیں جو فی گھنٹہ ایک لاکھ 40 ہزار حجاج کو خدمت فراہم کرنے کی صلاحیت رکھتے ہیں۔مسجد کے وینٹی لیشن، ایئرکنڈیشنگ اور پیورفیکیشن سسٹم کے علاوہ آڈیو سسٹم اور سرویلینس کیمروں کو بھی اپ گریڈ کیا گیا ہے۔

(جاری ہے)

اہم ترقیاتی منصوبوں کومکمل کرکے مسجد نمرہ کے اطراف شجر کاری اور موسم کو ٹھنڈا رکھنے کیلیے شیڈز کا انتظام کیا گیا ہے۔

میدان عرفات میں واقع مسجد نمرہ جسے مسجد عرفہ بھی بھی جاتا ہے یہاں وقوف عرفہ کے دن خطبہ حج دیا جاتا ہے۔ ظہر وعصر کی نمازیں ایک اذان و دواقامت کے ساتھ پڑھائی جاتی ہیں۔مسجد نمرہ میدان عرفات کی مغربی جانب واقع ہے اس سے متصل وادی عرنہ ہے مسجد کی دیوار مکہ مکرمہ کے رخ پر ہے جبکہ وادی عرنہ کا شمار میدان عرفات میں نہیں ہوتا۔ سعودی حکومت کی توسیع سے قبل مسجد نمرہ کی لمبائی 90 جبکہ چوڑائی 80 میٹرہوا کرتی تھی۔توسیع کے بعد مسجد کا رقبہ ایک لاکھ 10 ہزار مربع میٹرہو گیا جبکہ دوسری منزل بھی تعمیر کرائی گئی جس کا رقبہ 27 ہزار مربع میٹرہے۔