Live Updates

190 ملین پائونڈکیس ،نیب نے پانچ رکنی پراسیکیوشن ٹیم مقرر کر دی

پیر 2 جون 2025 19:18

اسلام آباد (اُردو پوائنٹ اخبارتازہ ترین - آن لائن۔ 02 جون2025ء) قومی احتساب بیورو(نیب )نے بانی پی ٹی آئی عمران خان اوران کی اہلیہ کی جانب سے اسلام اباد ہائی کورٹ میں 190 ملین پاؤنڈ کیس میں دائر درخواستوں کی سماعت کے دوران پیش ہونے کے لیے پانچ رکنی پراسیکیوشن ٹیم مقرر کر دی ہے جو نیب کی جانب سے پیش ہو کر دلائل دے گی۔

(جاری ہے)

مقرر کی گئی ٹیم میں سردار مظفر احمد خان ٹیم کی قیادت کریں گے جبکہ دیگر ارکان میں عرفان احمد سہیل عارف، رفع مقصود اور یاسر سلیم رانا شامل ہیں یہ ٹیم اسلام اباد ہائی کورٹ میں پیش ہوگی اور اسلام اباد ہائی کورٹ میں عمران خان اور بشرہ بی بی کے حوالے سے 190 ملین پاؤنڈ کیس میں درخواستیں دائر کی گئی تھی اس میں استغاثہ کی طرف سے بھرپور دلائل پیش کرے گی۔

اسلام اباد ہائی کورٹ پانچ جون کو مذکورہ مقدمے کی سماعت کرے گی۔