سعودی عرب اور شام میں سکیورٹی تعاون بڑھانے پر تبادلہ خیال

منگل 3 جون 2025 08:40

ریاض (اُردو پوائنٹ اخبارتازہ ترین - اے پی پی۔ 03 جون2025ء) سعودی وزیرداخلہ شہزادہ عبدالعزیز بن سعود بن نایف نے وزارت کے ہیڈ کوارٹر میں شام کے ہم منصب انس خطاب کا خیرمقدم کیا۔ایس پی اے کے مطابق ملاقات میں باہمی دلچسپی کے امور اور دونوں ملکوں کے درمیان سکیورٹی تعاون مضبوط بنانے کے طریقوں پر تبادلہ خیال کیا گیا۔

(جاری ہے)

سعودی وزیر داخلہ نے شام کے ہم منصب اور ان کے وفد کا خیرمقدم کرتے ہوئے کہا یہ ملاقات سعودی قیادت کی ہدایت کے مطابق ہورہی ہے۔

انہوں نے شام کے ساتھ سکیورٹی تعاون بڑھانے، سلامتی اور استحکام کی بحالی میں مدد کے حوالے مملکت کے عزم کا اعادہ کیا۔اس موقع پر قائم مقام نائب وزیر داخلہ شہزادہ ڈاکٹرعبدالعزیز بن محمد بن عیاف، معاون وزیرداخلہ برائے آپریشنز امور لیفٹننٹ جنرل سعید بن عبداللہ القحطانی، معاون وزیر داخلہ ڈاکٹر ہشام بن عبدالرحمن الفالح اور دیگر عہدیدار بھی موجود تھے۔