ملک میں یوریا اور ڈی اے پی کھاد کی کھپت میں سالانہ بنیادوں پر کمی

منگل 3 جون 2025 17:46

اسلام آباد (اُردو پوائنٹ اخبارتازہ ترین - اے پی پی۔ 03 جون2025ء) ملک میں یوریا اور ڈی اے پی کھاد کی کھپت میں سالانہ بنیادوں پر کمی ریکارڈ کی گئی ہے جبکہ مالی سال کے پہلے 11 ماہ میں کھادوں کی درآمدات میں سالانہ بنیادوں پر 122 فیصد کا نمایاں اضافہ دیکھنے میں آیا ہے۔ انڈسٹری کے اعدادوشمار کے مطابق جاری مالی سال کے پہلے 11 ماہ میں ملک میں 1768000 ٹن یوریا کی کھیپ ریکارڈ کی گئی جو گزشتہ مالی سال کی اسی مدت کے مقابلے میں 31 فیصد کم ہے۔

گزشتہ مالی سال کی اسی مدت میں ملک میں 2555000 ٹن یوریا کی کھپت ریکارڈ کی گئی تھی۔ مئی میں ملک میں 418000 ٹن یوریا کی کھپت ریکارڈ کی گئی جو اپریل کے مقابلے میں 87فیصد اور گزشتہ سال مئی کے مقابلے میں5فیصد زیادہ ہے، اپریل میں ملک میں 251000 ٹن اور گزشتہ سال مئی میں 400000 ٹن یوریا کی کھپت ریکارڈ کی گئی تھی۔

(جاری ہے)

اسی طرح مالی سال کے پہلے 11 ماہ میں ملک میں 339000 ٹن ڈی اے پی کی کھپت ریکارڈ کی گئی جو گزشتہ مالی سال کی اسی مدت کے مقابلے میں 20 فیصد کم ہے۔

گزشتہ مالی سال کی اسی مدت میں ملک میں 421000 ٹن ڈی اے پی کی کھپت ریکارڈ کی گئی تھی۔ مئی میں ملک میں 94000 ٹن ڈی اے پی کی کھپت ریکارڈ کی گئی جو گزشتہ سال مئی کے 41000 ٹن کے مقابلے میں 131 فیصد زیادہ ہے۔ اعدادوشمار کے مطابق مالی سال کے پہلے 11 ماہ میں 46000 ٹن کھادوں کی نجی درآمد ریکارڈ کی گئی جو گزشتہ مالی سال کی اسی مدت کے مقابلے میں 122 فیصد زیادہ ہے۔ گزشتہ مالی سال کی اسی مدت میں کھادوں کی 21000 ٹن نجی درآمد ریکارڈ کی گئی تھی۔ مئی میں 8000 ٹن کھادوں کی درآمدات ریکارڈ کی گئی جو گزشتہ سال مئی کے 7000 ٹن کے مقابلے میں 19 فیصد زیادہ ہے۔\395

Facebook Twitter Google + Share on Whatsapp

ملک میں یوریا اور ڈی اے پی کھاد کی کھپت میں سالانہ بنیادوں پر کمی

متعلقہ عنوان :

مزید تجارتی خبریں