میکسیکو میں پہلی مرتبہ ووٹنگ کے ذریعے ججوں کا انتخاب کرلیا گیا

عدلیہ کے انتخابات میں 880 ججز منتخب،سپریم کورٹ اور مقامی عدالتوں کے ججز بھی شامل

منگل 3 جون 2025 14:20

میکسیکو سٹی(اُردو پوائنٹ اخبارتازہ ترین - این این آئی۔ 03 جون2025ء) دنیا میں عوامی نمائندوں کے انتخاب کے لیے ووٹنگ ہوتی ہے مگر میکسیکو میں پہلی دفعہ ججوں کے انتخاب کے لیے بھی ووٹنگ ہوئی۔ غیر ملکی میڈیا کے مطابق میکسیکو میں ججوں کے انتخاب کے لیے ووٹنگ کا انعقاد کیا گیا مگر انتخابات میں ووٹنگ ٹرن آٹ محض 13 فیصد ہی رہا۔

(جاری ہے)

رپورٹ کے مطابق عدلیہ کے انتخابات میں 880 ججوں کو منتخب کیا گیا جن میں سپریم کورٹ اور مقامی عدالتوں کے ججز شامل ہیں۔ میکسیکو کی صدر کلاوڈیا شینباوم نے اس انتخاب کو کامیابی قرار دیا تاہم بہت سے حلقوں نے کم ٹرن آٹ پر سوالات اٹھائے اور کہا کہ صدر شینباوم ان انتخابات کے ذریعے عدلیہ کو کنٹرول کرنے کی کوشش کر رہی ہیں۔