سیکنڈ سیڈڈ سارہ ایرانی اور جیسمین پاؤلینی ،فرنچ اوپن ٹینس ویمنز ڈبلزکے ٹاپ ایٹ رائونڈ میں داخل

منگل 3 جون 2025 15:20

پیرس (اُردو پوائنٹ اخبارتازہ ترین - اے پی پی۔ 03 جون2025ء) اٹلی کی ٹینس سٹار سارہ ایرانی اور ان کی ہم وطن جوڑی دار جیسمین پاؤلینی پر مشتمل سیکنڈ سیڈڈ جوڑی فرنچ اوپن ٹینس ٹورنامنٹ کے ویمنز ڈبلز مقابلوں کے کوارٹر فائنل رائونڈ میں پہنچ گئی ۔انہوں نے خواتین کے ڈبلز مقابلوں کے پری کوارٹر فائنل میچ میں برازیل کی ٹینس کھلاڑی بیٹریز حداد مایااور ان کی جرمن جوڑی لورا نٹالی سیگمنڈکو 0-2 سیٹس سے شکست دی۔

(جاری ہے)

سال کے دوسرا گرینڈ سلام فرنچ اوپن ٹینس ٹورنامنٹ کے دلچسپ اور کانٹے دار مقابلوں کا سلسلہ فرانس کے دارلحکومت پیرس میں جاری ہے ۔ ویمنز ڈبلز مقابلوں کے پری کوارٹر فائنل رائونڈ میچ میں اٹلی کی ٹینس سٹار سارہ ایرانی اور ان کی ہم وطن جوڑی دار جیسمین پاؤلینی پر مشتمل سیکنڈ سیڈڈ جوڑی نے شاندار کارکردگی کا مظاہرہ کرتے ہوئے برازیل کی ٹینس کھلاڑی بیٹریز حداد مایااور ان کی جرمن جوڑی لورا نٹالی سیگمنڈکو سٹریٹ سیٹس میں 4-6 اور 3-6 سے شکست دے کر میگا ایونٹ کے کوارٹر فائنل رائونڈ کے لئے کوالیفائی کرلیا۔