شہید اے ایس آئی ثناءاللہ کی برسی ، سیالکوٹ پولیس گارڈ نے قبر پر پھولوں کی چادر چڑھائی

بدھ 4 جون 2025 12:17

سیالکوٹ (اُردو پوائنٹ اخبارتازہ ترین - اے پی پی۔ 04 جون2025ء) سیالکوٹ پولیس گارڈ نے شہید اے ایس آئی ثناءاللہ کی برسی کے موقع پر قبر پر حاضری دی ،پولیس کے چاق و چوبند دستے نےسلامی پیش کی، پھولوں کی چادر چڑھائی اور فاتحہ خوانی کی۔ترجمان کے مطابق سیالکوٹ پولیس کا بہادر سپوت اے ایس آئی ثناءاللہ 2008 میں ملزمان کی فائرنگ سے شدید مضروب ہوئے اور زخموں کی تاب نہ لاتے ہوئے شہید ہو گئے ۔

(جاری ہے)

ڈی پی او سیالکوٹ فیصل شہزاد نے سیالکوٹ پولیس کے شہدا کو خراج تحسین پیش کرتے ہوئے کہا کہ جرات و بہادری کے پیکرہمارے شہدا ہمارے لیے باعثِ فخر ہیں، ہم ان کی قربانیوں کو کبھی فراموش نہیں کریں گے۔ انہوں نے کہا کہ پولیس ہیروز کی لازوال قربانیوں کو ہمیشہ یاد رکھا جائے گا،فرض کی راہ میں جانیں قربان کرنے والے شہدا ہمارا قیمتی اثاثہ ہیں۔ شہید اے ایس آئی ثناءاللہ کی جرات اور بہادری پوری فورس کےلئے مشعل راہ ہے۔انہوں نے کہا کہ سیالکوٹ پولیس کے شہدا کے اہل ِ خانہ کی ویلفیئر کےلئے بھر پور اقدامات کئے جا رہے ہیں، پولیس کا ہر جوان سماج دشمن عناصر کے خلاف سیسہ پلائی دیوار بن کرکھڑا ہے۔