ڈرونز کے ذریعے دوائوں کی ترسیل دو سال کی انتھک تحقیق کا نتیجہ ہے ،سعودی وزیر صحت

بدھ 4 جون 2025 12:17

ریاض(اُردو پوائنٹ اخبارتازہ ترین - این این آئی۔ 04 جون2025ء)سعودی عرب کے وزیر صحت فہد الجلال نے کہا ہے کہ حج کے دوران ڈرونز کے ذریعے دوائوں کی ترسیل دو سال کی انتھک تحقیق اور تجربے کا نتیجہ ہے،ان خیالات کا اظہار انہوں نے عرب ٹی وی کے ساتھ گفتگو کے دوران کیا۔

(جاری ہے)

انہوں نے کہا کہ جدید ٹیکنالوجی کا مقصد حج سیزن کے دوران بڑی سطح پر دوائیں ضرورت مندوں تک پہنچانا ہے، زمینی راستوں سے دواں کو پہنچانے میں 90 منٹ درکار ہوتے ہیں لیکن ڈرونز کے ذریعے یہ کام محض چھ منٹ میں ہو جاتا ہے ۔

ان کا کہنا تھا کہ اس ٹیکنالوجی کے استعمال سے دواں کو ضرورت کی جگہ پر پہنچانے کی راہ میں حائل رکاوٹیں ختم ہو جائیں گی بالخصوص مقاماتِ مقدسہ میں انسانی ہجوم یا گاڑیوں کی وجہ سے جو تاخیر ہوتی تھی وہ بہت حد تک گھٹ جائے گی۔