ڈی جی سپورٹس خضرافضال چودھری کا سپورٹس بورڈ پنجاب سمر سپورٹس کیمپس 2025کی رجسٹریشن کا اعلان

شہری سپورٹس بورڈ پنجاب کے سوشل میڈیا پیجز سے کیوآر کوڈ کے ذریعے آن لائن رجسٹریشن کرواسکتے ہیں،ڈی جی سپورٹس پنجاب

بدھ 4 جون 2025 17:22

لاہور (اُردو پوائنٹ اخبارتازہ ترین - این این آئی۔ 04 جون2025ء) ڈائریکٹرجنرل سپورٹس پنجاب خضرافضال چودھری نے سپورٹس بورڈ پنجاب سمر سپورٹس کیمپس 2025کی رجسٹریشن کا اعلان کردیا ۔

(جاری ہے)

انہوں نے اپنے بیان میں کہاکہ سپورٹس بورڈ پنجاب سمر سپورٹس کیمپس کی رجسٹریشن کا عمل شروع ہوگیا،شہری سپورٹس بورڈ پنجاب کے سوشل میڈیا پیجز سے کیوآر کوڈ کے ذریعے آن لائن رجسٹریشن کرواسکتے ہیں،سمر سپورٹس کیمپ کا آغاز 24 جون سے ہوگا جو 7اگست تک جاری رہیں گے،سمر کیمپس میں 9سی19سال تک کے گرلز اینڈ بوائز کھلاڑی رجسٹریشن کرواسکتے ہیں۔

ڈی جی سپورٹس خضرافضال چودھری نے کہا کہ سپورٹس بورڈ پنجاب سمرکیمپس میں 14گیمز کے کیمپس نشترپارک سپورٹس کیمپس میں ہوں گے،جن میں سوئمنگ ، ٹینس ، ٹیبل ٹینس ، بیڈمنٹن ، فٹبال،ہاکی تائی کوانڈو ، باکسنگ ، ووشو ، اتھلیٹکس ، آرچری،کرکٹ ، سکواش اور یوگا کے سمر کیمپس لگائے جائیں گے،سمر کیمپس میں ماہر کوچز بچوں کو سپورٹس کی ٹریننگ دیں گے۔