پنجاب کی دو پاور کمپنیوں کے منافع سے بجلی کی قیمتوں میں کمی کا امکان

پیر 9 جون 2025 11:50

لاہور(اُردو پوائنٹ اخبارتازہ ترین - این این آئی۔ 09 جون2025ء)پنجاب میں قائداعظم تھرمل پاور اور پنجاب تھرمل پاور کمپنیوں کی بجلی کے نرخوں میں کمی کے بعد صارفین کے بلوں میں کچھ کمی آنے کا امکان ہے ۔

(جاری ہے)

میڈیا رپورٹ میں ذرائع کے حوالے سے کہا گیا ہے کہ پنجاب کابینہ کے فیصلے کی روشنی میں صوبائی حکومت نیپرا سے ان دونوں پلانٹس کے لیے بجلی کے نرخ کم کرنے کی درخواست کرے گی تاکہ یہ قیمتوں میں کمی مستقل بنیادوں پر نافذ ہو اور نئے نرخوں میں شامل کی جائے۔صوبائی کابینہ نے دونوں پاور پلانٹس کے بجلی کے نرخ 30 سے 40 فیصد تک کم کرنے کی منظوری دی تھی ۔دونوں کمپنیوں نے اس اقدام کو عملی جامہ پہنانے کے لیے اپنی منافع کی شرح کو کم کیا اور غیر ترقیاتی اخراجات میں بھی نمایاں کمی کی ہے۔