Live Updates

بین الاقوامی تجارتی نمائش ہیلتھ ایکسپو میں شرکت کے لئے 23جون تک درخواستیں طلب

پیر 9 جون 2025 13:50

اسلام آباد (اُردو پوائنٹ اخبارتازہ ترین - اے پی پی۔ 09 جون2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ عراق میں منعقد ہونے والی بین الاقوامی تجارتی نمائش ’’ہیلتھ ایکسپوعراق 2025 ‘‘میں شرکت کے لئے23جون تک درخواستیں جمع کرائی جا سکتی ہیں ۔

(جاری ہے)

ٹی ڈی اے پی کی جانب سے جاری تفصیلات کے مطابق نمائش عراق کے شہر بغداد میں18ستمبر سے 21 ستمبر تک جاری رہے گی جس میں آلات جراحی ، ٹیکسٹائل ، میڈیکل آلات ، لیبارٹری کے آلات اور دندان سازی کے آلات سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔نمائش کے حوالے سے مزید تفصیلات اتھارٹی کی ویب سائٹ سے حاصل کی جا سکتی ہیں ۔