ج*لاس اینجلس‘ امیگریشن پالیسیوں کیخلاف پرتشدد مظاہرے، گاڑیاں نذر آتش

۷لاس اینجلس میں نیشنل گارڈز تعینات ‘ نیشنل گارڈز کو امن و امان یقینی بنانے کے لیے بھیجا گیا ہے‘ٹرمپ کا اصرار

پیر 9 جون 2025 18:20

غ*لاس اینجلس(اُردو پوائنٹ اخبارتازہ ترین - آن لائن۔ 09 جون2025ء)امریکی صدر ڈونلڈ ٹرمپ کی امیگریشن پالیسیوں کیخلاف کیلیفورنیا میں مظاہرے جاری ہیں۔غیر ملکی میڈیا کے مطابق صدر ٹرمپ کی امیگریشن پالیسیوں کیخلاف کیلیفورنیا میں مظاہرے تیسرے دن بھی جاری ہیں جبکہ لاس اینجلس میں پرتشدد مظاہرین نے کچھ گاڑیوں کو نذر آتش بھی کیا۔

(جاری ہے)

دوسری جانب لاس اینجلس میں نیشنل گارڈز تعینات کردیئے گئے ہیں اور اس حوالے سے صدرٹرمپ کا کہنا ہے کہ نیشنل گارڈز کو امن و امان یقینی بنانے کے لیے بھیجا گیا ہے۔

انہوں نے مزید کہا ہے کہ اشتعال انگیزی پھیلانے والے قانون سے بچ نہیں پائیں گے، امریکا میں پرتشدد مظاہروں کی کوئی جگہ نہیں۔ واضح رہے لاس اینجلس شہر میں غیرقانونی امیگرینٹس کے خلاف چھاپوں کی وجہ سے مظاہرے شروع ہوئے تھے اور احتجاج کرنیوالوں کی امیگریشن حکام اور پولیس سے جھڑپیں بھی ہوئیں۔