پاکستانی حجاج کرام کی وطن واپسی کا آپریشن (کل) سے شروع ہوگا

منگل 10 جون 2025 15:53

اسلام آباد (اُردو پوائنٹ اخبارتازہ ترین - این این آئی۔ 10 جون2025ء)پاکستانی حجاج کرام کی وطن واپسی کا آپریشن (کل)بدھ سے شروع ہوگا۔منیجر اسلام آباد انٹرنیشنل ایئرپورٹ آفتاب گیلانی نے بتایا کہ پوسٹ حج آپریشن 11 جون سے شروع ہوگا، پہلی حج پرواز صبح 3 بجے جدہ سے اسلام آباد پہنچنے کا بتایاگیا آفتاب گیلانی نے کہا کہ پہلی پرواز سے 307 حجاج کرام وطن واپس پہنچیں گے اور پوسٹ حج آپریشن 10 جولائی تک جاری رہے گا۔

(جاری ہے)

انہوںنے کہاکہ ایک ہفتے بعد مدینہ منورہ سے بھی اسلام آباد واپسی کی پروازیں آئیں گی، آپریشن میں 30 ہزار سے زائد حجاج اسلام آباد واپس پہنچیں گے۔آفتاب گیلانی کے مطابق پوسٹ حج آپریشن کیلیے اسلام آباد ایئرپورٹ پر تمام انتظامات مکمل ہیں۔