ضلعی رابطہ کمیٹی کے قیام کا مقصد ضلع بھر میں گورننس کے نظام کو بہتر کرنا ہے،ڈپٹی کمشنر اٹک

اٹک (اُردو پوائنٹ اخبارتازہ ترین - اے پی پی۔ 11 جون2025ء) ڈپٹی کمشنر اٹک راؤ عاطف رضا نے کہا ہے کہ ضلعی رابطہ کمیٹی کے قیام کا مقصد ضلع بھر میں گورننس کے نظام کو بہتر کرنا ہے۔انہوں نے ان خیالات کا اظہار ضلعی رابطہ کمیٹی کے ایک اجلاس کی صدارت کرتے ہوئے کیا۔اجلاس میں ایڈیشنل ڈپٹی کمشنر جنرل انیل سعید،ایس پی سیف سٹی اتھارٹی شاید صدیق، سیکرٹری آرٹی اے سردار ظہیر احمد خان،قانون نافذ کرنے والے اداروں کے افسران اور دیگرمتعلقہ افراد بھی موجود تھے۔

ڈائریکٹر جنرل مذہبی تعلیم،وفاقی وزارت تعلیم کے دفتر سےسینیئر ڈائریکٹر ایڈمنسٹریشن نے آن لائن شرکت کی۔انہوں نے بتایا کہ اب تک 177 مدارس کووفاقی وزارت تعلیم سےرجسٹر کیا گیا ہے اور باقی مدارس کی رجسٹریشن کا عمل جاری ہےاس سلسلے میں این سی ایچ ڈی بھی اپنا کردار ادا کرے گی۔

(جاری ہے)

محکمانہ کارکردگی کا جائزہ لیتے ہوئےاجلاس کو بتایا گیا کہ ٹریفک پولیس نے یکم مئی سے 31 مئی تک 45 لاکھ سے زائد کے جرمانے عائد کیے۔

اور 8053 چالان کیے.ڈی سی اٹک نے اس موقع پر سیکرٹری آر ٹی اے سردار ظہیر احمد خان اور ٹریفک پولیس کو ہدایت کی کہ ضلع بھر میں اوور لوڈنگ اور اوور چارجنگ پرسخت ترین کاروائی عمل میں لائی جائے۔اجلاس کو بتایا گیا کہ 15 غیر قانونی پٹرول پمپس سیل کیےگٸےاس کے علاوہ ایک لاکھ 30 ہزار روپے کا جرمانہ عائد کیا گیا۔غیر قانونی سلنڈروں کی فروخت کے سلسلے میں بھی کارواٸی جاری ہے اور اس ضمن میں اب تک 35 دکانوں کو سیل کیا گیا اور2 لاکھ 11 ہزار روپےکاجرمانہ عاٸدکیاگیا۔

اجلاس کے شرکاء کو بتایا گیا کہ ایرانی پٹرول کی سمگلنگ روکنے کے لیے بھی اقدامات جاری ہیں اور اس سلسلے میں 20 دکانوں کو سیل کیا گیا اور دو لاکھ روپے کے جرمانے عائد کیے گئے۔انسداد تجاوزات مہم کے سلسلے میں 620 کاروائیاں کی گئی اور ایک لاکھ 45ہز500 روپے کا جرمانہ عائد کیا گیا۔انسدادبجلی چوری مہم کے سلسلے میں 60 معائنے کیے گئے 54 غیر قانونی کنکشنز پکڑےگٸے 30 لاکھ روپے سے زائد کے جرمانے عائد کیے گئے۔انسداد گد اگری مہم کے سلسلے میں 18 افراد کو گرفتار کیا گیا۔اجلاس کے شرکاء کو بتایا گیا کہ محرم الحرام کے سلسلے میں تمام متعلقہ تیاریاں مکمل کر لی گئی ہیں۔ڈی سی اٹک نے اس موقع پر خطاب کرتے ہوئے کہا کہ نیشنل ایکشن پروگرام کے تناظراقدامات جاری رہیں گے۔\378