نوجوان نسل کو سماجی برائیوں سے بچانے کے لیے سپورٹس پر توجہ دینے کی ضرورت ہے،بخت محمد کاکڑ

جمعرات 12 جون 2025 12:29

کوئٹہ (اُردو پوائنٹ اخبارتازہ ترین - اے پی پی۔ 12 جون2025ء) صوبائی وزیرصحت بخت محمد کاکڑ نے کہا ہے کہ نوجوان نسل کو سماجی برائیوں سے بچانے کے لیے سپورٹس پر توجہ دینے کی ضرورت ہے۔

(جاری ہے)

وزیراعلی سرفراز بگٹی کی سربراہی میں قائم حکومت کی ترجیحات میں کھیلوں کا فروغ اور نوجوانوں کے لیے یوتھ پالیسی کا اعلان پہلی بار ہوا ہے یہ بات انھوں نے نواں کلی کویٹہ میں ملاخیل پریمیئر لیگ سیزن 18 ٹورنامنٹ کے میچ میں شرکت موقع پر خطاب کرتے ہوئے کیا,صوبائی وزیر صحت بخت محمدکاکڑ میچ کے اختتام پر کھلاڑیوں اور حاضرین سے خطاب کرتے ہوئے کہا کہ دونوں ٹیموں نے بہترین پرفارمنس کا مظاہرہ کیا ۔

کھیل کے میدان نوجوانوں کو نہ صرف جسمانی طور پر مضبوط بناتا ہے بلکہ ان کی ذہنی اور جذباتی صحت کو بھی بہتر بناتا ہے ۔ جہاں کھیل کے میدان آباد ہوتے ہیں وہاں ہسپتال ویران ہوتے ہیں ۔ انھوں نے کہا کہ کھیل سماجی برائیوں کےخلاف جہاد کانام ہےنوجوانوں کو اسپورٹس کی راغب کرنے کےلیے ترجیحی بنیادوں پر کام کررہا ہوں۔ گراؤنڈ ،اسپورٹس سامان اور دیگر ضروری وسائل کی فراہمی میری ترجیحات میں شامل ہے ۔