ڈی ڈبلیو پی ٹیکنالوجیز اور جے ایس بینک کے مابین ڈیجیٹل سسٹم کے لئے معاہدے پر دستخط

جمعرات 12 جون 2025 17:43

راچی(اُردو پوائنٹ اخبارتازہ ترین - آن لائن۔ 12 جون2025ء)ڈی ڈبلیو پی ٹیکنالوجیز اور جے ایس بینک کے مابین ڈیجیٹل سسٹم کے لئے معاہدے پر دستخط کیے گئے جس کے تحت وہ سسکو کی جدید ''ایپلیکیشن سینٹرک انفراسٹرکچرApplication Centric Infrastructure))'' ٹیکنالوجی کا استعمال کریں گے۔ اس معاہدے کا مقصد جے ایس بینک کے ڈیجیٹل نظام کو بہتر بنانے کے ساتھ ساتھ سیکیورٹی کو مضبوط کر نا شامل ہیں۔

اس حوالے سے ایک تقریب کا انعقاد کیا گیا جس میں ڈی ڈبلیو پی کے ریجنل سیلز ہیڈ، وسیم شیرنے شرکت کی۔ڈی ڈبلیو پی ٹیکنالوجیز نے جدید ٹیکنالوجی سے لیس یہ سسکو ACI سسٹم مسقبل کی ضروریات کو مد نظر رکھتے ہوئے جے ایس بینک کے دفتر میں نصب کئے ہیں۔پارٹنرشپ میں اپنا کردا ر ادا کرتے ہوئے سسکو کے ماہرین نے جے ایس بینک کی تکنیکی ٹیم کواس سسٹم کے حوالے سے خصوصی تربیت فراہم کی جس میں جے ایس بینک کی ٹیم کو سسٹم کے آٹومیٹک پروگرامنگ، سیکیورٹی خصوصیات، اور کارکردگی کو سمجھایا گیا تاکہ بینک کا عملہ اس ٹیکنالوجی کو بہتر انداز میں استعمال کر سکے۔

(جاری ہے)

اس موقع پر گفتگو کرتے ہوئے ڈی ڈبلیو پی کے ریجنل سیلز ہیڈ، وسیم شیر نے کہا:''یہ پارٹنرشپ نہ صرف ہمارے اور جے ایس بینک کے درمیان تعلق کو مضبوط کرے گی بلکہ ایک آنے والے وقت میں دونوں اداروں کے درمیان مزید تعاون کا سبب بنے گی۔ ہمارا مقصد جے ایس بینک کو ایسی ٹیکنالوجی فراہم کرنا ہے سے جس سے وہ تیزی سے بدلتی ہوئی ڈیجیٹل دنیا میں آگے بڑھ سکے۔''یہ معاہدہ ایک مضبوط، محفوظ اور جدید بینکاری نظام کی طرف ایک اور قدم ہے، جو جے ایس بینک کو ڈیجیٹل دور میں کامیابی سے ہمکنار کرنے میں مدد فراہم کرے گا۔