وزیرداخلہ کا زیرو ویسٹ آپریشن میں حصہ لینے والے سینٹری ورکرز کیلئے بونس کا اعلان

جمعرات 12 جون 2025 21:13

اسلام آباد (اُردو پوائنٹ اخبارتازہ ترین - این این آئی۔ 12 جون2025ء)وزیر داخلہ محسن نقوی نے دن رات محنت سے فرائض سر انجام دینے پر سینٹری ورکرز کو خراج تحسین پیش کرتے ہوئے زیرو ویسٹ آپریشن میں حصہ لینے والے ملازمین کے لیے ایک بنیادی تنخواہ بونس کا اعلان کیا ہے۔اپنے بیان میں محسن نقوی نے کہا کہ یومیہ اٴْجرت والے ورکرز کو 15 ہزار روپے فی کس دیئے جائیں گے۔

(جاری ہے)

انہوں نے کہا کہ عید الاضحی پر 3 روز میں اسلام آباد کے شہری اور دیہی علاقوں سے 2400 ٹن آلائشیں اور ویسٹ اٹھا گیا۔ اس دوران ڈرون کیمروں سے صفائی آپریشن کی نگرانی کی گئی۔وزیر داخلہ نے کہا کہ صفائی آپریشن میں 2500 ورکرز اور 250 گاڑیوں نے حصہ لیا، شہریوں کا اطمینان سی ڈی اے کی کارکردگی کا برملا اعتراف ہے۔انہوںنے کہاکہ اسلام آباد کے شہریوں کا بھی شکریہ جنہوں نے صفائی میں فیلڈ ٹیموں سے پورا تعاون کیا، اسلام آباد کو اپنا سمجھ کر صاف ستھرا، سرسبز رکھنا اور اسے عالمی معیار کا شہر بنانا ہے۔