] حیدر آباد :سپریم کورٹ کے احکامات کی خلاف ورزی

ض* پی اینڈ ڈی سی کے ڈائریکٹر ماجد کھوکھر کو بلدیہ اعلیٰ حیدر آباد لگادیاگیا ًگلشن قائد جنرل پبلک اسکول سمیت دیگر اسکولوں کے کروڑوں روپے مالیت کے پلاٹوںپر مبینہ طورپر قبضے کرائے

جمعرات 12 جون 2025 20:20

۵حیدرآباد(اُردو پوائنٹ اخبارتازہ ترین - آن لائن۔ 12 جون2025ء) ادارہ ترقیات حیدرآباد کے شعبہ پی اینڈ ڈی سی کے ڈائریکٹر ماجد کھوکھر جنہیں سپریم کورٹ کے احکامات کی خلاف ورزی کرتے ہوئے ایچ ڈی اے میں ڈیپوٹیشن پرلگایا گیاہے ، ماجد کھوکھر جوکہ 18گریڈ کے ہیں جبکہ مذکورہ پوسٹ 19گریڈ کی ہے اس پر انہیں بلدیہ اعلیٰ حیدرآباد سے لاکر لگایا گیا ہے جن پر الزام ہے کہ انہوںنے گلشن قائد جنرل پبلک اسکول سمیت دیگر اسکولوں کے کروڑوں روپے مالیت کے پلاٹوںپر مبینہ طورپر قبضے کرائے اس کے علاوہ قاسم آباد میں ایچ ڈی اے کی دکانیں کم قیمت میں اپنے منظور نظر افراد کو دی گئیں ، اسی طرح کوہسار ایکسٹینشن اور گلستان سرمست کی کمرشل اسکیم میں بھی رقم خوردبرد کئے جانے کے الزامات ہیں۔

جس پر ایچ ڈی اے کے ڈائریکٹر جنرل اصغر گھانگھرو نے ماجد کھوکھر اور ڈپٹی ڈائریکٹر غلام رسول سمیت دیگر افسران کے خلاف انکوائری ثابت ہوجانے پر ایک ہفتے کیلئے انہیں اپنے عہدوں سے ہٹادیا گیا تھا لیکن پھر بااثر افراد کی سفارش پر انہیں دوبارہ لاکر لگادیا گیا ہے۔

(جاری ہے)

ادارہ ترقیات حیدرآباد کے ملازمین جنہیں 8سے 9 ماہ کی تنخواہوں سے محروم ہیں ، دوسری طرف افسران کی لوٹ مار اور کرپشن کا نہ رکنے والا سلسلہ جاری ہے۔

جس نے پورے ادارے کو ناقابل تلافی نقصان پہنچایا ہے۔ ادارہ ترقیات حیدرآباد کے مختلف شعبے پی اینڈ ڈی سی ، بلڈنگ کنٹرول اور حال ہی میں بنائی جانے والی واٹر اینڈ سیوریج کارپوریشن کے ملازمین معاشی بدحالی کا شکار ہیں، تنخواہیں اور پنشن نہ ملنے کے باعث ان کے گھروں کو چولہے بج چکے ہیں، ادھر سیاسی بنیادوں پر لگائے جانے والے افسران کھلے عام لوٹ مار میں مصروف ہیں ، ادارے کی قیمتی زمین پر قبضے کروائے جارہے ہیں اس کے علاوہ گلستان سرمست اور کوہسار زون کی مختلف ہاؤسنگ اسکیموں میں بھاری رشوتیں لے کر اپنے منظور نظر افراد کو پلاٹ دیئے گئے۔ حیدرآباد کے شہریوں نے مطالبہ کیا ہے کہ ادارہ ترقیات حیدرآباد کے کرپٹ افسران کیخلاف بھرپور کارروائی کی جائے۔

Facebook Twitter Google + Share on Whatsapp

] حیدر آباد :سپریم کورٹ کے احکامات کی خلاف ورزی

متعلقہ عنوان :

مزید اہم خبریں