ایل ڈی اے ٹیموں کامختلف سکیموں میں آپریشن،7املاک مسمار ،172املاک سربمہرکردیں

جمعرات 12 جون 2025 22:50

لاہور (اُردو پوائنٹ اخبارتازہ ترین - اے پی پی۔ 12 جون2025ء) ڈی جی ایل ڈی اے طاہر فاروق کی ہدایات پر ایل ڈی اے ٹائون پلاننگ ونگ غیرقانونی تعمیرات، غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ترجمان کے مطابق ایل ڈی اے ٹیموں نے گزشتہ روزمختلف سکیموں اور ایل ڈی اے کنٹرولڈ ایریا میں آپریشن کرکے7املاک مسمار اور172املاک سربمہرکر دیں۔

ایل ڈی اے ٹیموں نے جوہر ٹائون، گلبرگ، وحدت روڈ، سبزہ زار سکیم میں آپریشن کیا۔آپریشن کے دوران جوہر ٹائون میں 7غیرقانونی تعمیرات مسمار کردیں۔

(جاری ہے)

ٹیموں نے غیرقانونی کمرشل استعمال، کمرشل فیس کی عدم ادائیگی پرجوہر ٹائون میں 56،گلبرگ میں 20املاک،شادمان، شاہ جمال، گلشن راوی، مین یو بی ڈی کینال روڈ، شاد باغ میں 61املاک سربمہرکر دیں۔ٹیموں نے ریکور ی آپریشن کے دوران وحد ت روڈ،سبزہ زار میں 35املاک سربمہر کر دیں۔سیل کی گئی املاک میں نجی بینک، کلینک،نجی سکول، کیفے، گراسری سٹور، فوڈ پوائنٹ، ورکشاپ، دکانیں، دفاتر ودیگر شامل ہیں۔ترجمان کے مطابق ڈی جی ایل ڈی اے کی ہدایت پرغیرقانونی کمرشل عمارتوں، کمرشل فیس نادہندگان املاک کے خلاف بلاامتیاز کارروائیاں جاری رہیں گی۔

Facebook Twitter Google + Share on Whatsapp

ایل ڈی اے ٹیموں کامختلف سکیموں میں آپریشن،7املاک مسمار ،172املاک سربمہرکردیں

مزید قومی خبریں