علی حیدر کی بیٹی علیشبہ حیدر نے اپنا ڈیبیو گانا ریلیز کر دیا

علی حیدر کی بیٹی علیشبہ حیدر نے بھی میوزک انڈسٹری میں قدم رکھ دیا

جمعہ 13 جون 2025 10:30

کراچی (اُردو پوائنٹ اخبارتازہ ترین - این این آئی۔ 13 جون2025ء)پاکستانی میوزک انڈسٹری کے معروف گلوکار علی حیدر کی بیٹی علیشبہ حیدر نے بھی میوزک انڈسٹری میں قدم رکھ دیا ہے۔علی حیدر نے اپنے سوشل میڈیا اکانٹ انسٹاگرام پر اپنی بیٹی کو بطور گلوکارہ متعارف کروایا ہے۔علی حیدر کا اپنی انسٹاگرام پوسٹ میں بیٹی کے ہمراہ تصویر شیئر کرتے ہوئے بتانا ہے کہ علیشبہ حیدر نے اپنا ڈیبیو گانا ریلیز کر دیا ہے۔

(جاری ہے)

گلوکار نے پوسٹ کے کیپشن میں لکھا کہ یہ ایک بہترین لمحہ ہے جب علیشبہ حیدر کا پہلا گانا دل نہیں لگدا ریلیز ہو رہا ہے جس میں میں خود بھی شامل ہوں، یہ گانا باپ اور بیٹی کے تعاون سے بنایا گیا ہے، لطف اٹھائیں۔پوسٹ کے مطابق علیشبہ حیدر کے ڈیبیو گانے میں ان کے ساتھ ان کے والد علی حیدر بھی اپنی آواز کا جادو جگاتے نظر آئیں گے۔علی حیدر کی بیٹی علیشبہ حیدر کے پہلے گانے کا نام دل نہیں لگدا اے ہے۔