کوئٹہ کے مختلف علاقوں میں پرائس کنٹرول کمیٹی کی گرانفروشوں کے خلاف کاروائیاں جاری، 31 افراد گرفتار

جمعہ 13 جون 2025 18:29

کوئٹہ (اُردو پوائنٹ اخبارتازہ ترین - اے پی پی۔ 13 جون2025ء) ضلعی انتظامیہ کے زیر نگرانی کوئٹہ کے مختلف علاقوں میں پرائس کنٹرول کمیٹی کی گرانفروشوں کے خلاف کارروائیاں جاری ہیں۔اس دوران سرکاری نرخنامے کی خلاف ورزی ،وزن میں کمی اور غیر معیاری اشیاء فروخت کرنے والوں کے خلاف کاروائی کرتے ہوئے 31 افراد کو گرفتار کرکے جیل منتقل کردیا گیا۔

(جاری ہے)

اس سلسلے میں سپیشل مجسٹریٹ احسام الدین نے سب ڈویژن سٹی میں ڈیری فارمز اور ملک شاپس کے خلاف کارروائی کرتے ہوئے 9 افراد کو گرفتار کرکے جیل بھجوا دیا جبکہ اسسٹنٹ کمشنر(سریاب)سعد کلیم ظفر نے تندوروں ، قصائیوں اور منی پیٹرول پمپس کے خلاف کارروائی کرتے ہوئے11 افراد کو گرفتار کرکے جیل بھجوا دیا۔

اس کے علاوہ سپیشل مجسٹریٹ حسیب سردار نے سب ڈویژن صدر میں کارروائی کرتے ہوئے 10 افراد کو گرفتار کرکے جیل منتقل کردیا۔