پنجاب پولیس کا لاہور سمیت صوبہ بھر میں منشیات فروشوں کیخلاف کریک ڈائون جاری

24 گھنٹوں کے دوران منشیات فروشوں کے ٹھکانوں پر 231چھاپے، 136 منشیات فروش گرفتار

ہفتہ 14 جون 2025 20:45

لاہور (اُردو پوائنٹ اخبارتازہ ترین - این این آئی۔ 14 جون2025ء) انسپکٹر جنرل پولیس پنجاب ڈاکٹر عثمان انور کی ہدایت پر پنجاب پولیس لاہور سمیت صوبہ بھر میں منشیات فروشوں کیخلاف کریک ڈائون جاری رکھے ہوئے ہے جس کے تسلسل میں 24گھنٹوں کے دوران منشیات فروشوں کے ٹھکانوں پر 231چھاپے مارے گئے اور 136منشیات فروش گرفتار کیے گئے۔

(جاری ہے)

ترجمان پنجاب نے تفصیلات سے آگاہ کرتے ہوئے بتایا کہ منشیات فروشوں سے 73کلو گرام چرس، 03کلو گرام آئس، 1485لیٹر شراب اور 04کلو گرام ہیروئن برآمد کی گئی۔

آئی جی پنجاب ڈاکٹر عثمان انور نے افسران کو ہدایت دیتے ہوئے کہا کہ منشیات ڈیلرز اور سمگلرز کے خلاف سپیشل آپریشنز تیزی سے جاری رکھیں۔ سپلائی چین میں ملوث تمام ملزمان کو قانون کی گرفت میں لا کر سخت سزائیں دلوائی جائیں۔ آئی جی پنجاب نے مزہد کہا کہ تعلیمی اداروں اور ہاسٹلز کے گردونواح میں منشیات فروشی میں ملوث افراد کے خلاف کاروائیوں میں تیزی لائی جائے۔