آ* اٹک پولیس کی غیر قانونی اسلحہ رکھنے والوں کے خلاف مو ثر کارروائیاں جاری، 5 پسٹل معہ ایمونیشن برآمد

ہفتہ 14 جون 2025 21:05

3اٹک (اُردو پوائنٹ اخبارتازہ ترین - آن لائن۔ 14 جون2025ء) اٹک پولیس کی غیر قانونی اسلحہ رکھنے والوں کے خلاف مو ثر کارروائیاں جاری، 5 پسٹل معہ ایمونیشن برآمد، تفصیلات کے مطابق ڈسٹرکٹ پولیس آفیسر ڈاکٹر سردار غیاث گل خان کی سربراہی میں اٹک پولیس کی اسلحہ ناجائز رکھنے والوں کے خلاف کارروائیاں جاری ہیں اسی سلسلہ میں تھانہ پنڈیگھیب پولیس نے لیاقت علی ولد یار محمد سکنہ کنٹ اور خرم شہزاد ولد سکندر خان سکنہ میانوالہ سے 1/1 پسٹل 30 بور اور 5 گولیاں برآمد کر لیں دوسری جانب تھانہ جنڈ پولیس نے دوران تفتیش ملزم محمد اویس ولد عادل بادشاہ سکنہ محلہ برف خانہ جنڈ سے اسلحہ آتشیں پسٹل 30 بور معہ 3 روند برآمد کر لیے اسی طرح تھانہ صدر حسن ابدال پولیس نے اقدام قتل کے ملزم ارباز خان ولد فضل الرحمان سکنہ نیو سٹی فیز II حسن ابدال سے آلہ ضرر پسٹل معہ ایمونیشن برآمد کر لیا جبکہ تھانہ حضرو پولیس نے خان محمد عرف باچہ ولد خوانی ساکن مردان سے پسٹل 30 بور اور 4 گولیاں برآمد کر لیں، اٹک پولیس نے اسلحہ آرڈیننس کے تحت الگ الگ مقدمات درج کر کے ملزمان کو آہنی زیور سے آراستہ کر دیا،