ضلع راولپنڈی کے مختلف علاقوں میں جاری ترقیاتی منصوبوں کیلئے فنڈز منظور

اتوار 15 جون 2025 19:30

راولپنڈی (اُردو پوائنٹ اخبارتازہ ترین - اے پی پی۔ 15 جون2025ء) ضلع راولپنڈی کے مختلف علاقوں میں جاری ترقیاتی منصوبوں کیلئے اربوں روپے کے فنڈز منظور ہو گئے۔ اتوار کو ممبر قومی اسمبلی و چیئرمین ڈسٹرکٹ کوارڈینیشن کمیٹی راولپنڈی انجینئر قمرالاسلام راجہ نے 2025-26کے منصوبوں کی منظوری کی تفصیلات جاری کرتے ہوئے بتایا کہ جوڑیاں ہسپتال کے لیے 21 کروڑ اور پوٹھوار ٹاون روات ہسپتال کے لئے 11 کروڑ کے تمام بقایا فنڈز منظور ہو گئے، خواجہ کارپوریشن تا گورکھپور اڈیالہ روڈ کے بقایا کام کی تکمیل کے لئے مزید 45 کروڑ کی منظوری ، گورکھپور سے خصالہ خورد تک دو رویہ سڑک کے لیے 2 ارب 30 کروڑ منظور جبکہ تلسہ موڑ اڈیالہ روڈ انڈر پاس کے لیے 1 ارب 70 کروڑ منظور کروا لیے ہیں۔

انہوں نے کہا کہ NA 53 میں ترقیاتی منصوبوں کا جال بچھانے کے لیے اقدامات کر رہے ہیں ۔

(جاری ہے)

انہوں نے بتایا کہ اڈیالہ روڈ کے اگلے مرحلے یعنی گورکھپور سے خصالہ خورد تک دو رویہ سڑک کے لئے دو ارب تیس کروڑ کی منظوری اور اسی طرح علاقہ اڈیالہ روڈ و علاقہ چونترہ و تراہیہ وغیرہ کی آبادیوں کے راولپنڈی تک سفر کا دورانیہ مزید کم کرنے کے لئے ساڑھے تین ارب کے خواجہ کارپوریشن فلائی اوور کے بعد ایک ارب ستر کروڑ روپے کی لاگت سے تلسہ موڑ اڈیالہ روڈ انڈر پاس کی منظوری ہوئی۔