حجاج اورزائرین صحت کے رہنما ضوابط پر سختی سے عمل درآمد کریں ، ادارہ امور حرمین

جمعرات 19 جون 2025 16:34

ریاض(اُردو پوائنٹ اخبارتازہ ترین - این این آئی۔ 19 جون2025ء)ادارہ امور حرمین نے حجاج اور زائرین کو ہدایت کی ہے کہ وہ صحت کے رہنما ضوابط پر سختی سے عمل درآمد کریں تاکہ کسی قسم کی مشکل صورتحال کا سامنا نہ کرنا پڑے۔عرب ٹی وی کے مطابق ادارہ امور صحت کی جانب سے موسمیاتی تبدیلیوں اور حرمین میں ہونے والے ازدحام کے باعث تحفظِ صحت کے لیے ہدایات جاری کی گئی ہیں۔

حجاج کو ہدایت کی گئی کہ وہ ماسک کا استعمال لازمی کریں۔

(جاری ہے)

خاص طورپر ازدحام والے مقامات پر جانے سے قبل ماسک لگائیں۔ ہاتھوں کو صابن سے دھوئیں۔اپنی ذاتی استعمال کی اشیا کسی اور کے ساتھ شیئر نہ کریں۔ زیادہ سے زیادہ پانی کا استعمال کریں ۔ ادارہ امور حرمین نے کہا کہ مسجد الحرام میں ازدحام کے اوقات میں جانے سے اجتناب برتیں۔ اگر کسی بھی قسم کی جسمانی تھکن یا کمزروی کا احساس ہو فوری طور پر قریب ترین صحت مرکز سے رجوع کریں۔مسجد الحرام میں ہنگامی طبی مرکز کنگ فہد توسیع والے مقام پر پہلی منزل پر ہے جبکہ صفا گیٹ کے پاس اور اجیاد پل کے قریب صحت مراکز موجود ہیں جہاں 24 گھنٹے طبی عملہ موجود ہوتا ہے۔