یوئیفا ویمنزفٹ بال چیمپئن شپ 2 جولائی سے سوئٹزرلینڈ میں شروع ہوگی،16ٹیمیں ٹائٹل کے لئے ایکشن میں ہوں گی

پیر 23 جون 2025 15:17

برن (اُردو پوائنٹ اخبارتازہ ترین - اے پی پی۔ 23 جون2025ء) یونین آف یورپین فٹ بال ایسوسی ایشن کے زیر اہتمام یوئیفا ویمنز فٹ بال چیمپئن شپ 2 سے 27جولائی تک سوئٹزرلینڈ میں کھیلی جائے گی ، 16 مختلف ممالک کی ٹیمیں ٹائٹل کے حصول کے لئے پنجہ آزمائی کریں گی۔ چیمپئن شپ کے تمام میچز سوئٹزرلینڈ کے 8 مختلف مقامات پر کھیلے جائیں گے جن میں سوئٹزلینڈ کا دارالحکومت برن،بیسل،جنیوا،زیورخ،سینٹ گیلن،لوسرن،تھون اور سیون شامل ہیں۔

چیمپئن سپ کا پہلا میچ 2 جولائی کو گروپ اے کی ٹیموں آئس لینڈ اور فن لینڈ کے درمیان ارینا تھون کے مقام پر کھیلا جائے گا۔اسی گروپ کا دوسرا میچ میزبان سوئٹزلینڈ اور ناروے کی ٹیموں کے درمیان سینٹ جیکب پارک، بیسل میں کھیلا جائے گا۔یوئیفا ویمنز فٹ بال چیمپئن شپ میں شرکت کرنے والی 16 ویمنز ٹیموں میں میزبان سوئٹزرلینڈ، ناروے، آئس لینڈ ، فن لینڈ،سپین، پرتگال، بیلجیم ، اٹلی، جرمنی، پولینڈ، ڈنمارک ،سویڈن، فرانس، انگلینڈ، ویلز اورنیدرلینڈز شامل ہیں۔

(جاری ہے)

یوئیفا ویمنز فٹ بال چیمپئن شپ میں شامل 16 ٹیموں کو 4 مختلف گروپوں میں تقسیم کیا گیا ہے جس کے مطابق گروپ اےمیں میزبان سوئٹزرلینڈ، ناروے، آئس لینڈ اور فن لینڈ کی ٹیم کو رکھا گیا ہے، گروپ بی میں سپین، پرتگال، بیلجیم اور اٹلی کی ٹیموں کو شامل کیا گیا ہے،گروپ سی میں جرمنی، پولینڈ، ڈنمارک اور سویڈن کی ٹیم کو اکٹھا کیا گیا ہے اور اسی طرح گروپ ڈی میں فرانس، انگلینڈ، ویلز اورنیدرلینڈز کی ویمنز ٹیمیں شامل ہیں۔

8 ویمنز ٹیمیں گروپ میچز میں سےناک آئوٹ رائونڈ کوارٹر فائنل رائونڈ کے لئے کوالیفائی کریں گی۔چاروں کوارٹر فائنل میچز بالترتیب 16، 17، 18 اور 19جولائی کو کھیلے جائیں گے۔چیمپئن شپ کا پہلا سیمی فائنل میچ 22جولائی جبکہ دوسرا سیمی فائنل میچ 23 جولائی کو کھیلا جائے گا۔چیمپئن شپ کا فائنل میچ 27 جولائی کو بیسل میں کھیلا جائے گا۔\932