Live Updates

حکومت کو اپنی ترجیحات پر نظرثانی کرنی چاہیے‘پیاف

ٹیکس پالیسی کو بالواسطہ کے بجائے براہ راست ٹیکسوں کی طرف منتقل کیا جانا چاہیے

بدھ 25 جون 2025 13:43

لاہور(اُردو پوائنٹ اخبارتازہ ترین - این این آئی۔ 25 جون2025ء)پیٹرن انچیف پیاف میاں سہیل نثار ،چیئرمین سید محمود غزنوی ،سینئر وائس چیئرمین مدثر مسعود چودھری اور وائس چیئرمین راجہ وسیم حسن نے کہا ہے کہ حکومت کو اپنی ترجیحات پر نظرثانی کرنی چاہیے، ٹیکس پالیسی کو بالواسطہ کے بجائے براہ راست ٹیکسوں کی طرف منتقل کیا جانا چاہیے ۔

(جاری ہے)

انہوں نے اپنے مشترکہ بیان میں کہا کہ ڈیجیٹل نفاذ، کسٹمز اصلاحات اور ٹیکس پالیسی میں تبدیلیوں کی کامیابی کا انحصار ادارہ جاتی صلاحیت، طرز حکمرانی، اور سیاسی عزم پر ہوگا۔

انہوںنے کہا کہ وفاقی بجٹ 26-2025کے اعداد و شمار معاشی ہنگامی صورتحال کو ظاہر کرتے ہیں مگر وسائل کی تقسیم موجودہ طاقت کے ڈھانچے کی ترجیحات کو نمایاں کرتی ہے، آگے کا راستہ محض حساب کتاب سے طے نہیں ہوگا اس کے لیے ڈھانچہ جاتی اصلاحات، جامع منصوبہ بندی اور مالی بقا سے آگے کا وژن درکار ہے۔ پیاف رہنمائوں نے کہا کہ وزیر اعظم شہباز شریف ایسا پلیٹ فارم تشکیل دیں جہاں معیشت کے حوالے سے نجی شعبے سے اسٹیک ہولڈرز کی دی جانے والی تجاویز براہ راست ان تک پہنچ سکیں ۔