تم کوئی کرٹلی ایمبروز نہیں’، ای این ہیلی کو شمر جوزف نے پہلے ٹیسٹ میں کرارا جواب دیدیا

شمر نے جو پرفارمنس گابا میں دی تھی اس کے بعد سے ان کا ایک سال خوفناک گزرا ہے، ای این ہیلی کی گفتگو

جمعہ 27 جون 2025 15:21

سڈنی (اُردو پوائنٹ اخبارتازہ ترین - این این آئی۔ 27 جون2025ء)آسٹریلیا کے خلاف سیریز شروع ہونے سے قبل سابق وکٹ کیپر ای این ہیلی نے شمر جوزف پر تنقید کرتے ہوئے کہا تھا کہ وہ کوئی کرٹلی ایمبروز نہیں ہیں۔ویسٹ انڈیز اور آسٹریلیا کے درمیان ٹیسٹ سیریز کا 25 جون سے آغاز ہوچکا ہے، آسٹریلیا نے ٹیسٹ میچ کے پہلے 15.1 اوورز کے اندر ہی اپنی 3 وکٹیں گنوا دی تھیں جبکہ اسکور صرف 22 تھا، بعدازاں 142 رنز پر کینگروز کے 7 کھلاڑی پویلین لوٹ چکے ہیں۔

شمر جوزف نے آسٹریلیا کے خلاف عمدہ بولنگ کرتے ہوئے پہلی اننگز میں 30 رنز دے کر 4 وکٹیں حاصل کی ہیں اور سیم کونسٹاس کو بھی آئوٹ کیا جبکہ 2 وکٹیں جیڈین سیلز کے حصے میں آئیں۔اس سے قبل ای این ہیلی نے میڈیا سے گفتگو میں کہا تھا کہ شمر نے جو پرفارمنس گابا میں دی تھی اس کے بعد سے ان کا ایک سال خوفناک گزرا ہے، شمر انجری سے واپس آئے ہیں اور اب وہ کونسٹاس کو کہتے ہیں کہ آئوٹ کروں گا۔

(جاری ہے)

انھوں نے کہا کہ ''ٹھیک ہے شمر ٹھیک ہے تم نے سارا سال بے تکی باتیں کیں، اس لیے بہتر ہے ہو وہ اپنی کارکردگی میں بہتری لائیں وہ کوئی کرٹلی ایمبروز جیسے بولر نہیں ہیں۔پہلے ٹیسٹ سے قبل میڈیا سے بات میں شمر جوزف نے آسٹریلیا کے 19سالہ نوجوان بیٹر سیم کونسٹاس کو وارننگ دی تھی ''بس تم آئوٹ ہونے کی سوچو بس اتنا ہی ہے’’۔خیال رہے کہ 2024 میں گابا میں شمر جوزف نے شاندار اسپیل کیا تھا اور68 رنز دے کر 7 وکٹیں اپنے نام کی تھیں، اب 25 جون سے شروع ہونے والے ٹیسٹ میں بھی شمر جوزف نے تباہ کن بولنگ کرتے ہوئے 4 وکٹیں اپنے نام کی ہیں۔

Facebook Twitter Google + Share on Whatsapp

تم کوئی کرٹلی ایمبروز نہیں’، ای این ہیلی کو شمر جوزف نے پہلے ٹیسٹ میں کرارا جواب دیدیا

شمر نے جو پرفارمنس گابا میں دی تھی اس کے بعد سے ان کا ایک سال خوفناک گزرا ہے، ای این ہیلی کی گفتگو

مزید کھیلوں کی خبریں