حیدرآباد، نرم زمین میں دھنسے آئل ٹینکر کو کامیاب ریسکیو آپریشن کے بعد نکال لیا گیا

ریسکیو حکام کے مطابق کارروائی میں چار گھنٹے سے زائد کا وقت لگا

اتوار 29 جون 2025 12:25

حیدرآباد(اُردو پوائنٹ اخبارتازہ ترین - این این آئی۔ 29 جون2025ء)حیدرآباد کے علاقے چانگ گوٹھ میں نہر کے ساتھ گزرنے والی سڑک پر آئل سے بھرے ایک ٹینکر کا حادثہ اس وقت پیش آیا جب وہ سڑک سے اتر کر گیلی اور نرم زمین میں دھنس گیا۔واقعے کے بعد ریسکیو کی ٹیم نے کئی گھنٹوں کی مسلسل کوششوں کے بعد ٹینکر کو بحفاظت نکال لیا۔

(جاری ہے)

تفصیلات کے مطابق آئل ٹینکر کا اگلا (ڈرائیونگ سیٹ والا) اور پچھلا ٹائر نرم زمین میں دھنس گیا تھا، جس سے ٹینکر کے الٹنے کا خطرہ پیدا ہو گیا تھا۔

فوری اطلاع پر ریسکیو کی ٹیم موقع پر پہنچ گئی اور ریکوری وہیکل اور ہیوی کرین کی مدد سے ریسکیو آپریشن شروع کیا۔ریسکیو حکام کے مطابق کارروائی میں چار گھنٹے سے زائد کا وقت لگا، تاہم ٹینکر کو کامیابی سے باہر نکال لیا گیا۔