ڈائریکٹر جنرل انفارمیشن محکمہ زراعت کا جہانیاں میں زرعی فارم کا دورہ، کپاس کی مختلف اقسام کا جائزہ

اتوار 29 جون 2025 20:00

ملتان (اُردو پوائنٹ اخبارتازہ ترین - اے پی پی۔ 29 جون2025ء) ڈائریکٹر جنرل انفارمیشن محکمہ زراعت پنجاب نوید عصمت کاہلوں نے اتوار کو جہانیاں میں واقع بندیشہ زرعی فارم کا دورہ کیا،جہاں فارم پر کاشت کی گئی کپاس کی مختلف اقسام کا جائزہ لیا۔ ڈاکٹر محمد اقبال بندیشہ نے موجودہ اور نئی تیار ہونےاقسام کی خصوصیات بارے بریف کیا۔

(جاری ہے)

اس موقع پر نوید عصمت کاہلوں نے کہا کہ کپاس کی ایسی اقسام کی دریافت پر کام جاری ہے جو سخت گرمی اور بیماریوں کیخلاف قوت مدافعت رکھتی ہیں ۔ انہوں نے کاشتکاروں سے کہا کہ وہ اس مرحلہ پر فصل کی ہلکی آبپاشی جاری رکھیں۔کھادوں کا متوازن و متناسب استعمال کریں اور پیسٹ سکاؤٹنگ کے نتیجہ میں معاشی نقصان کی حد تک ہی کیڑوں و بیماریوں کیخلاف سپرے کریں۔