صنعتی اداروں میں ہیلتھ اور سیفٹی قوانین پر عملدرامد کے جائزہ کے لیے مختلف اداروں میں معائنہ جاری

پیر 30 جون 2025 17:30

بہاولپور (اُردو پوائنٹ اخبارتازہ ترین - اے پی پی۔ 30 جون2025ء) بہاولپور میں صنعتی اداروں میں مزدوں کے لیے ہیلتھ اور سیفٹی قوانین پر عملدرامد کے جائزہ کے لیے ڈویژن بھر کے مختلف اداروں میں معائنہ کا عمل جاری ہے۔

(جاری ہے)

ڈائریکٹر لیبر ویلفیئر بہاول پور ڈویژن ملک محمد فاروق نے بتایا ہے کہ صوبائی وزیر محنت و انسانی وسائل کی ہدایات کی روشنی میں ڈویژن بھر کے109صنعتی اداروں کو تنبیہ کے نوٹس دئیے گئے ہیں جبکہ7صنعتی اداروں کے مالکان کے خلاف قانونی کارروائی کا آغاز کر دیا گیا ہے۔

ڈائریکٹرلیبر ویلفیئرنے مزید کہا کہ مزدوروں کو ان کی جائے کار پر سازگار اور محفوظ ماحول کی فراہمی آجران کی قانونی ذمہ داری ہے۔انہوں نے کہا کہ حفاظتی آلات یا اقدامات کی عدم دستیابی یا کسی حادثہ کی صورت میں محکمہ لیبر کی مفت ہیلپ لائن سروس 1314پراطلاع دی جائے۔