اسلام آباد انٹرنیشنل ائیرپورٹ پر خاتون مسافر سے منشیات برآمد

خاتون مسافر غیر ملکی پرواز کے ذریعے اسلام آباد سے استنبول جا رہی تھی،ایئرپورٹ ذرائع

جمعرات 3 جولائی 2025 16:21

اسلام آباد(اُردو پوائنٹ اخبارتازہ ترین - این این آئی۔ 03 جولائی2025ء)اسلام آباد انٹرنیشنل ائیرپورٹ پر خاتون مسافر سے منشیات برآمد ہوئی ہے۔ائیر پورٹ ذرائع کے مطابق تلاشی پر پاکستانی نژاد برطانوی خاتون مسافر کی چپلوں سے ہیروئن برآمد ہوئی۔

(جاری ہے)

ائیر پورٹ ذرائع کا کہنا ہے کہ خاتون مسافر غیر ملکی پرواز کے ذریعے اسلام آباد سے استنبول جا رہی تھی، خاتون کو ائیرپورٹ پر ایف آئی اے اہلکار کی جانب سے پروٹوکول بھی دیا گیا۔ایف آئی اے حکام کے مطابق ایف آئی اے اہلکار کے ملزمہ کو پروٹوکول دینے کے معاملے کی تحقیقات کی جارہی ہیں۔