گورنر کو سیاسی جلسوںمیں نہیں، آئینی حدود میں رہنا چاہیے،مینا آفریدی

گورنر ہاؤس کو سیاسی اڈہ بنانا آئین کے خلاف ہے،صوبائی وزیر تعلیم کا بیان

جمعہ 4 جولائی 2025 13:04

پشاور(اُردو پوائنٹ اخبارتازہ ترین - این این آئی۔ 04 جولائی2025ء)صوبائی وزیر اعلیٰ تعلیم مینا خان آفریدی نے کہاہے کہ گورنر کو سیاسی جلسوں میںنہیں، آئینی حدود میں رہنا چاہیے،گورنر ہاؤس کو سیاسی اڈہ بنانا آئین کے خلاف ہے۔

(جاری ہے)

صوبائی وزیر مینا خان آفریدی نے گورنر خیبرپختونخوا کی سیاسی سرگرمیوں پر رد عمل دیتے ہوئے کہا کہ گورنر کا کام آئینی کردار ادا کرنا ہے، سیاسی سرگرمیوں میں مداخلت ناقابل قبول ہے، گورنر ہاؤس کو سیاسی اڈہ بنانا آئین کے خلاف ہے، گورنر غیر جانبدار رہنے کیس بجائے اپوزیشن کی زبان بول رہے ہیں۔

انہوں نے کہا کہ گورنر نے سیاسی کردار نہ چھوڑا تو عوامی ردعمل کا سامنا کرنا پڑے گا، صوبے کے گورنر کو سیاسی جلسوں میں نہیں، اپنی آئینی حدود میں رہنا چاہیے، گورنر خیبرپختونخوا جانبداری کا مظاہرہ کرکے آئینی حلف کی خلاف ورزی کر رہے ہیں۔مینا خان نے کہا کہ گورنر کو یاد رکھنا چاہیے کہ وہ کسی جماعت کے نہیں، ریاست کے نمائندے ہیں، سیاسی کردار ادا کرنا گورنر کے منصب کی توہین ہے، ہم گورنر ہاؤس کی سیاسی سرگرمیوں کو مسترد کرتے ہیں، صوبے کے عوام بھی گورنر کی جانبداری کو نہیں مانتے۔