حضرت سید علی بن عثمان الہجویری المعروف داتا گنج بخش ؒ کے مزار کے سالانہ غسل مبارک کی تقریب

وزیراعلی کی ہدایت پر زائرین کیلئے بہتر سے بہترین انتظامات ، سکیورٹی امور کی مسلسل مانیٹرنگ جاری رہی حضرت داتا گنج بخش ؒکے غسل مبارک پر آنیوالے زائرین ہمارے مہمان ہیں، محبت سے پیش آئیں، مریم نواز کی منتظمین کو ہدایت

ہفتہ 5 جولائی 2025 17:24

حضرت سید علی بن عثمان الہجویری المعروف داتا گنج بخش ؒ کے مزار کے سالانہ ..

لاہور (اُردو پوائنٹ اخبارتازہ ترین - این این آئی۔ 05 جولائی2025ء)وزیراعلی مریم نوازشریف کی ہدایت پر حضرت سید علی بن عثمان الہجویری المعروف داتا گنج بخش ؒ کے مزار کے سالانہ غسل مبارک کی تقریب میں آنے والے زائرین کیلئے بہتر سے بہترین انتظامات کئے گئے۔ وزیر اعلیٰ مریم نواز شریف کی ہدایت پر حضرت داتا گنج بخش ؒکے غسل مبارک کی تقریب میں سیکورٹی انتظامات کی مسلسل مانیٹرنگ جاری رہی۔

(جاری ہے)

وزیر اعلیٰ مریم نواز نے منتظمین کو ہدایت کی کہ حضرت داتا گنج بخش ؒکے غسل مبارک پر آنے والے زائرین ہمارے مہمان ہیں، محبت سے پیش آئیں۔زائرین اور عقیدت مندوں کو محبت اور احترام کے ساتھ لنگر پیش کیا جائی- رش اور بھگدڑ سے بچنے کے لئے بہترین نظم و ضبط کا اہتمام کیا جائے ۔ مریم نواز شریف نے اپیل کی کہ ملک و قوم کی ترقی و خوشحالی، سلامتی، استحکام اور سربلندی کیلئے خصوصی دعائیں کی جائیں۔ وزیراعلی مریم نوازشریف نے کہاکہ حضرت داتا گنج بخش ؒنے محبت، احترام، امن اور رواداری کا پیغام عام کیا ہے۔