ذ*چائلڈ پروٹیکشن بیورو اور بالی میموریل ٹرسٹ کے مابین ایم او یو پر دستخط

18 سال سے زائد عمر کی بچیوں کو تربیت، رہائش اور بحالی کی سہولیات دی جائیں گی، سارہ احمد

منگل 8 جولائی 2025 21:40

لاہور (اُردو پوائنٹ اخبارتازہ ترین - آن لائن۔ 08 جولائی2025ء) چائلڈ پروٹیکشن بیورو اور بالی میموریل ٹرسٹ کے درمیان ایک اہم مفاہمتی یادداشت (MoU) پر دستخط کیے گئے۔ اس تقریب میں چیئرپرسن چائلڈ پروٹیکشن بیورو سارہ احمد اور چیئرپرسن بالی میموریل ٹرسٹ لیلیٰ نصرت نے باقاعدہ طور پر دستخط کیے۔مفاہمتی یادداشت کے تحت چائلڈ پروٹیکشن بیورو میں پرورش پانے والی 18 سال سے زائد عمر کی بچیوں کو بالی میموریل ٹرسٹ میں منتقل کیا جائے گا، جہاں انہیں رہائش، تعلیم، پیشہ ورانہ تربیت، نفسیاتی معاونت اور دیگر بنیادی سہولیات فراہم کی جائیں گی تاکہ وہ معاشرے کا باعزت، باہنر اور خودمختار حصہ بن سکیں۔

چیئرپرسن سارہ احمد نے اس موقع پر کہا کہ ایم او یو کا مقصد بچیوں کی محفوظ اور مؤثر منتقلی کو یقینی بنانا ہے۔

(جاری ہے)

انہوں نے مزید کہا کہ دونوں ادارے بچیوں کی فلاح و بہبود، تحفظ، تعلیم و تربیت، اور بحالی کے لیے باہمی تعاون، ڈیٹا شیئرنگ اور مشترکہ اقدامات کو فروغ دیں گے۔تقریب کے دوران بالی میموریل ٹرسٹ کے وفد کو چائلڈ پروٹیکشن بیورو کے مختلف شعبہ جات اور سرگرمیوں کا دورہ بھی کروایا گیا۔ اس موقع پر ڈائریکٹر جنرل چائلڈ پروٹیکشن بیورو آفتاب احمد خان، ڈائریکٹر پروگرام، اور دیگر اعلیٰ افسران بھی موجود تھے۔یہ شراکت داری معاشرتی بہبود کے لیے ایک اہم قدم قرار دی جا رہی ہے جس سے بے سہارا بچیوں کو بہتر مستقبل فراہم کرنے میں مدد ملے گی۔

Facebook Twitter Google + Share on Whatsapp

ذ*چائلڈ پروٹیکشن بیورو اور بالی میموریل ٹرسٹ کے مابین ایم او یو پر دستخط

18 سال سے زائد عمر کی بچیوں کو تربیت، رہائش اور بحالی کی سہولیات دی جائیں گی، سارہ احمد

متعلقہ عنوان :

مزید قومی خبریں