سری لنکا اور بنگلہ دیش کے درمیان تین میچوں کی سیریز کا پہلا ٹی ٹونٹی کرکٹ میچ کل ہوگا

بدھ 9 جولائی 2025 14:26

کولمبو(اُردو پوائنٹ اخبارتازہ ترین - این این آئی۔ 09 جولائی2025ء)سری لنکا اور بنگلہ دیش کی کرکٹ ٹیموں کے درمیان تین ٹی ٹونٹی بین الاقوامی میچوں پر مشتمل سیریز کا پہلا میچ کل (جمعرات کو)پالے کیلی انٹر نیشنل کرکٹ سٹیڈیم، پالے کیلی میں کھیلا جائے گا۔

(جاری ہے)

اس سے قبل دونوں ٹیموں کے درمیان کھیلی گئی دو میچوں کی ٹیسٹ سیریز 0-1 سے سری لنکن ٹیم نے جیت لی تھی جبکہ تین ایک روزہ بین الاقوامی میچوں کی سیریز بھی میزبان آئی لینڈرز نے 1-2 سے جیت لی تھی۔

تین ٹی ٹونٹی میچوں کی سیریز میں آئی لینڈرز کو چارتھ اسالنکا لیڈ کریں گے جبکہ بنگلہ دیش کی ٹیم کی قیادت لٹن داس کریں گے۔دونوں ٹیموں کے درمیان ٹی ٹونٹی سیریز کا دوسرا میچ 13 جولائی کوپالے کیلی انٹر نیشنل کرکٹ سٹیڈیم، پالے کیلی میں ہی کھیلا جائے گا جبکہ تیسرا اور آخری ٹی ٹونٹی میچ 16 جولائی کو آر پریما داسا سٹیڈیم، کولمبو میں کھیلا جائے گا۔