مومنا اقبال دیر سے سیٹ پر پہنچنے کا دفاع کرنے لگیں

جمعرات 10 جولائی 2025 19:16

کراچی (اُردو پوائنٹ اخبارتازہ ترین - این این آئی۔ 10 جولائی2025ء)معروف پاکستانی اداکارہ مومنا اقبال نے حالیہ انٹرویو میں سیٹ پر تاخیر سے پہنچنے کے اپنے رویے کا کھل کر دفاع کیا ہے۔ حال ہی میں ایک شو میں گفتگو کرتے ہوئے اداکارہ نے کہا کہ میں مانتی ہوں کہ میں خود دیر سے آتی ہوں لیکن اس کی ایک وجہ ہے۔ انہوں نے کہا کہ اگر کال ٹائم 10 بجے کا ہے، تو میں 11:30پر پہنچتی ہوں، ہماری انڈسٹری چھوٹی ضرور ہے، لیکن جب مجھے نئے اداکار کے طور پر اتنی زیادتیوں کا سامنا کرنا پڑا تو اب آپ کیسے توقع کرتے ہیں کہ میں وقت پر آئوں ۔

(جاری ہے)

انہوں نے کہا کہ جب چھٹی لیتی ہوں تو اگلے دن کی تیاری شروع کر دیتی ہوں، پھر اگلے دن فریش کیسے رہوں ،خود پروڈیوسرز بھی جانتے ہیں کہ کوئی وقت پر نہیں آتا، پھر بھی کام وقت پر مکمل ہو جاتا ہے۔اداکارہ نے کہا کہ اگر کال ٹائم 11بجے کا کر دیا جائے تو کسی کو اعتراض نہیں ہو گا، کام کا ماحول بہتر بنانے کیلئے اداکاروں کے ساتھ مناسب بات چیت اور 8 گھنٹے کی شفٹ پر عمل ہونا چاہیے۔مومنا اقبال نے کہا کہ پہلے چھوٹی چھوٹی باتوں پر دل دکھتا تھا، لیکن اب میں سخت جان ہو چکی ہوں، جب زندگی میں کوئی بہت قیمتی چیز کھو دیتے ہیں، تو پھر باقی چیزیں اہم نہیں لگتیں۔ میں میڈیا پارٹیز میں نہیں جاتی۔

Facebook Twitter Google + Share on Whatsapp

مومنا اقبال دیر سے سیٹ پر پہنچنے کا دفاع کرنے لگیں

مزید فن و فنکار کی خبریں