وائٹیلٹی بلاسٹ ٹی -20ٹورنامنٹ میں 13جولائی کومزید 8 میچوں کا فیصلہ ہوگا

جمعہ 11 جولائی 2025 13:45

لندن (اُردو پوائنٹ اخبارتازہ ترین - اے پی پی۔ 11 جولائی2025ء) انگلینڈ اینڈ ویلز کرکٹ بورڈ کے زیر اہتمام رواں برس جاری وائٹیلٹی ٹی 20 کرکٹ ٹورنامنٹ میں13 جولائی کو مزید 8 میچ کھیلے جائیں گے۔ پہلا میچوورسیسٹر شائر اور لیسٹر شائرکی ٹیموں کے درمیان نیو روڈ، ورسیسٹرکے مقام پر کھیلا جائے گا،دوسرے میچ میں وارکشائر اور نارتھمپٹن شائر کی ٹیمیں ایجبسٹن،برمنگھم میں آمنے سامنے ہوں گی،تیسرا میچ گلیمورگن اور گلوسٹر شائرکی ٹیموں کے درمیان صوفیہ گارڈنز، کارڈف میں کھیلا جائے گا،چوتھے میچ میں ہیمپشائر اور سسیکس کی ٹیمیں روز باؤل، ساؤتھمپٹن کے مقام پر نبرد آزما ہوں گی،پانچویں میچ میں یارکشائر اور ڈربی شائر کی ٹیمیں ہیڈنگلے، لیڈز کے مقام پر پنجہ آزمائی کریں گی ، چھٹا میچ لنکاشائر اور ڈرہم کی ٹیموں کے درمیان ایمریٹس اولڈ ٹریفورڈ، مانچسٹر میں کھیلا جائے گا ،ساتواں میچ سرے اور سمر سیٹ کی ٹیموں کے درمیان کیننگٹن اوول، لندن میں کھیلا جائے گاجبکہ 13جولائی کا آٹھواں اور آخری میچ کینٹ اور مڈل سیکس کی ٹیموں کے درمیان سینٹ لارنس گراؤنڈ، کینٹربری میں کھیلا جائے گا۔

(جاری ہے)

ٹورنامنٹ کے لیگ میچز 18جولائی کو ختم ہوں گے۔ ٹورنامنٹ کا کوارٹر فائنل مرحلہ 3ستمبر سے شروع ہوگا جبکہ دونوں سیمی فائنلز اور فائنل میچ 13ستمبر کو کھیلے جائیں گے ۔گلوسٹر شائرکی ٹیم ایونٹ میں اپنے اعزاز کے دفاع کے لئے کوشاں ہے۔\932