جوفرا آرچر نے رشبھ پنت کو آؤٹ کرنے کے بعد کیا کہا تھا

اہم وکٹ لینے کے بعد آرچر پنت کے پاس سے بھاگے اور اسے غصے سے رخصت کیا

بدھ 16 جولائی 2025 11:57

جوفرا آرچر نے رشبھ پنت کو آؤٹ کرنے کے بعد کیا کہا تھا

لندن(اُردو پوائنٹ اخبارتازہ ترین - این این آئی۔ 16 جولائی2025ء)انگلینڈ کے فاسٹ بولر جوفرا آرچر نے رشبھ پنت سے ہونے والی گفتگو سے متعلق بتا دیا۔لارڈز کے میدان میں کھیلے گئے تیسرے ٹیسٹ میچ میں انگلینڈ کی جانب سے دیے گئے 193 رنز کے تعاقب میں بھارتی ٹیم 170 رنز پر ٓؤٹ ہوگئی، انگلینڈ نے پانچ میچوں کی سیریز میں 2-1 کی برتری حاصل ہوگئی۔رویندرا جڈیجا کی 61 رنز کی ناٹ آؤٹ اننگز بھی رائیگاں گئی، کے ایل راہول 39 رنز بنا کر نمایاں رہے کپتان شبھمن گل 6 رنز بنا کر آؤٹ ہوئے۔

انگلینڈ کی جانب سے جوفرا آرچر اور کپتان بین اسٹوکس نے تین، تین کھلاڑیوں کو آؤٹ کیا۔ جوفرا آرچر نے لارڈز ٹیسٹ کے 5ویں دن شاندار گیند پر رشبھ پنت آؤٹ کرنے کے بعد ان کے لیے کہے گئے الفاظ کا انکشاف کیا ہے۔

(جاری ہے)

آرچر کی شاندار بولنگ کی بدولت انگلینڈ نے 22 رنز سے جیت کر سیریز میں 2-1 کی برتری حاصل کر لی۔جوفرا آرچر نے انکشاف کیا ہے کہ انہوں نے لارڈز میں تیسرے ٹیسٹ کے تناؤ کے آخری دن کے دوران ایک شاندار گیند پر آؤٹ کرنے کے بعد رشبھ پنت کو کیا کہا تھا۔

رشبھ پنت اپنی اننگز کو شاندار طریقے سے آگے بڑھا رہے تھے، 21ویں اوور میں پنت نے آرچر کی گیند پر اسٹائلش فور کے لیے ٹریڈ مارک ایک ہاتھ سے شاٹ کھیلا لیکن آرچر نے فوراً جوابی وار کیا۔ صرف دو گیندوں کے بعد، آرچر نے اپنا زاویہ تبدیل کیا اور ایک بہترین ڈیلیوری پیش کی جس نے آف اسٹمپ کے اوپری حصے کو کلپ کر دیا جسے دیکھ کر پنت دنگ رہ گئے۔

اہم وکٹ لینے کے بعد آرچر پنت کے پاس سے بھاگے اور اسے غصے سے رخصت کیا، وہ ہندوستانی نائب کپتان پر براہ راست کچھ چیختے ہوئے نظر آئے۔ میچ کے بعد اسکائی اسپورٹس کرکٹ سے بات کرتے ہوئے آرچر نے اعتراف کیا کہ انہیں بھیجے جانے پر فخر نہیں ہے لیکن انہوں نے بتایا کہ ایسا کیوں ہوا۔یہ کوئی قابل فخر لمحہ نہیں تھا ’میں نے اسے صرف چارج کرنے کو کہا’۔ سچ کہوں تو سیشن کے آغاز میں جدوجہد کررہا تھا، گیند ابھی پوری طرح سے باہر آرہی تھی، پنت نے ایک ہٹ لگائی اور جب میں نے انہیں آؤٹ کیا تو پاس جاکر کہا کہ میں نے اسے چارج کرنے کو کہا تھا۔