آڈٹ رپورٹ پر سوال کا ’جرم‘ ، پی سی بی نے صحافی کو واٹس ایپ گروپ سے نکال دیا

ہمارے سینئر سپورٹس صحافی آشر بٹ کو پی سی بی میڈیا واٹس ایپ گروپ سے صرف اسلیے نکال دیا گیا کیونکہ انہوں نے میری پی سی بی آڈٹ سٹوری پر بورڈ کا مؤقف جاننے کی کوشش کی : انصار عباسی

ذیشان مہتاب بدھ 16 جولائی 2025 11:58

آڈٹ رپورٹ پر سوال کا ’جرم‘ ، پی سی بی نے صحافی کو واٹس ایپ گروپ سے نکال ..

لاہور (اردو پوائنٹ تازہ ترین اخبار ۔ 16 جولائی 2025ء ) آڈٹ رپورٹ پر سوال کرنے کے ’جرم‘ میں پاکستان کرکٹ بورڈ (پی سی بی) نے صحافی کو واٹس ایپ گروپ سے نکال دیا۔

انگریزی اخبار ’دی نیوز‘ کے سینئر صحافی انصار عباسی نے انکشاف کیا ہے کہ پی سی بی نے ان کے ادارے کے سپورٹس صحافی آشر بٹ کو آڈٹ رپورٹ سے متعلق سوالات پوچھنے پر پی سی بی کے میڈیا واٹس ایپ گروپ سے فارغ کردیا ہے۔

(جاری ہے)

انصار عباسی نے سماجی رابطے کی ویب سائٹ ایکس پر اپنے پیغام میں لکھا کہ "یہ چونکا دینے والی بات ہے کہ ہمارے سینئر اسپورٹس صحافی آشر بٹ کو پی سی بی کے میڈیا واٹس ایپ گروپ سے صرف اس لیے نکال دیا گیا کیونکہ انہوں نے میری پی سی بی آڈٹ اسٹوری پر پی سی بی کا مؤقف بھی جاننے کی کوشش کی۔ کیا پی سی بی ایسے صحافیوں کے ساتھ یہی سلوک کرتا ہے جو خبر کے دونوں پہلو جاننا چاہتے ہیں؟"۔

Shocking that our senior sports journalist Asher Butt is removed from PCB’s media WhatsApp group just because he took PCB’s version on my PCB audit story. Is this how PCB deals with journalists seeking both sides of the story?@MohsinnaqviC42
— Ansar Abbasi (@AnsarAAbbasi) July 15, 2025

بعض دیگر صحافیوں نے بھی پی سی بی کے اس افسوس ناک اقدام کے حوالے سے اپنے خیالات کا اظہار کیا ہے۔

کرکٹ دیکھتے فالو کرتے اور پھر کور کرتے جتنا بھی وقت گزرا کبھی ایسی ڈکٹیٹرشپ پی سی بی میں نہیں دیکھی جہاں تنقید کرنا، سوال کرنا جرم بن گیا ہے، گروپوں سے نکالنا تو ٹھیک لیکن نوکریوں سے فارغ کروانے کی دھمکی دی جاتی ہے،چئیرمین صحافی، ڈائریکٹر میڈیا صحافی لیکن دونوں صحافی دشمن
— Arslan Jutt (@ArslanJutt43) July 16, 2025

سینئر صحافی عامر میر جو آج کل پاکستان کرکٹ بورڈ کے میڈیا ڈائریکٹر ہیں انھوں نے The News Lahore کے ہمارے ایک colleague اور سپورٹس جرنلسٹ عاشر بٹ کو پی سی بی کے صحافیوں کے واٹس ایپ گروپ سے صرف اس لئے نکلوا دیا کہ انھوں نے کرکٹ بورڈ میں کروڑوں روپے کی مبینہ خرد برد کے متعلق آڈیٹر…
— Shahid Aslam (@ShahidAslam87) July 15, 2025

ایک انگریزی اخبار کے صحافی نے پی سی بی میں کرپشن کے حوالے سے آڈٹ رپورٹ شائع کی تو اسے PCB کے میڈیا گروپ سے نکال دیا گیا۔ صحافیوں سے آج کل کیا سلوک ہورہا ہے کیا کسی سختی کے سنئیر سپورٹس رپورٹر ثناء اللہ کی خبریں سنیں pic.twitter.com/WL4nfpmZUf
— Muhammad Umair (@MohUmair87) July 16, 2025