وزیر اعلیٰ پنجاب کا ویژن ڈرگ فری پنجاب

راولپنڈی ،7 ملزمان گرفتار، 11 کلو سے زائد چرس برآمد

جمعہ 11 جولائی 2025 21:00

راولپنڈی(اُردو پوائنٹ اخبارتازہ ترین - این این آئی۔ 11 جولائی2025ء)وزیر اعلیٰ پنجاب کا ویژن ڈرگ فری پنجاب،راولپنڈی پولیس نی7 ملزمان گرفتارکرکے 11 کلو سے زائد چرس برآمدکرلی۔

(جاری ہے)

تفصیلات کے مطابق صادق آباد پولیس نے تین ملزمان کوگرفتارکرکے 4 کلو 650 گرام چرس برآمد کی،ٹیکسلا پولیس نے ایک ملزم گرفتارکرکے 2 کلو 470 گرام چرس برآمد کی، روات پولیس نے ایک ملزم کو گرفتارکرکے 1 کلو 680 گرام چرس برآمد کی،کہوٹہ پولیس نے ایک ملزم کوگرفتارکرکے 1 کلو 650 گرام چرس برآمد کی،صدر واہ پولیس نے ایک ملزم کوگرفتار کرکے 760 گرام چرس برآمد کی ،گرفتارملزمان کے خلاف الگ الگ مقدمات درج کر لیے گئے۔سی پی او سید خالد ہمدانی نے کہا کہ منشیات کے ناسور کے خاتمے کے لیے تمام اقدامات اٹھائے جا رہے ہیں۔