راولپنڈی میں شدید بارشوں کی پیشگوئی، رین ایمرجنسی نافذ

پیر 14 جولائی 2025 15:18

راولپنڈی (اُردو پوائنٹ اخبارتازہ ترین - اے پی پی۔ 14 جولائی2025ء) کمشنر راولپنڈی ڈویژن انجینئر عامر خٹک نے کہا ہے کہ محکمہ موسمیات نے راولپنڈی میں شدید بارشوں کی پیشگوئی کرتے ہوئے 15 جولائی سے 31 اگست تک سیلابی صورتحال کا خدشہ ظاہر کیا ہے۔اس حوالے سے شہر میں رین ایمرجنسی نافذ کر دی گئی ہے اور انتظامی اداروں کو ہائی الرٹ کر دیا گیا ہے۔ انہوں نے کہ واسا عملے کی چھٹیاں منسوخ کر دی ہیں۔

واسا شہر بھر خصوصا نشیبی علاقوں سے پانی کا فوری اخراج یقینی بنائے گا۔ انہوں نے ہدایت کی کہ راولپنڈی کنٹونمنٹ بورڈ و چکلالہ کنٹونمنٹ بورڈز کو اس ضمن میں خصوصی طور پر آن بورڈ لیا جائے۔ کمشنر راولپنڈی نے مزید کہا کہ نالہ لئی کی ڈیجیٹل مانیٹرنگ کی جا رہی ہے اور عوام کو صورتحال سے بروقت آگاہی دی جارہی ہے۔

(جاری ہے)

اس موقع پر بریفنگ دیتے ہوئے کمشنر راولپنڈی کو بتایا گیا کہ ضلعی انتظامیہ کی جانب سے سیلابی صورتحال کے لئے ماک ایکسرسائز کی جا چکی ہے، راولپنڈی میں 7 فلڈ ریلیف کیمپس بھی قائم کر دیئے گئے ہیں جن میں خوراک، پانی، ادویات، رہائش اور سکیورٹی کی سہولیات میسر ہیں۔

اس کے علاوہ نالہ لئی اور دیگر برساتی نالوں کی 24/7 نگرانی کی جارہی ہے جبکہ سیلابی صورتحال کے پیش نظر مرکزی کنٹرول روم بھی قائم کیا گیا ہے۔ ریسکیو 1122، واسا اور دیگر اداروں کو ہائی الرٹ کیا گیا ہے۔ متعلقہ اداروں کو کشتیاں اور لائف جیکٹس فراہم کر دی گئی ہیں نیز نشیبی علاقوں کے قریب سرکاری اسکولوں میں ریلیف کیمپ بھی قائم کیے گئے ہیں۔

Facebook Twitter Google + Share on Whatsapp

راولپنڈی میں شدید بارشوں کی پیشگوئی، رین ایمرجنسی نافذ

متعلقہ عنوان :

مزید قومی خبریں