Live Updates

]محکمہ موسمیات نے مزید بارشوں کی پیش گوئی کر دی

پیر 14 جولائی 2025 20:40

,اسلام آباد(اُردو پوائنٹ اخبارتازہ ترین - آن لائن۔ 14 جولائی2025ء) محکمہ موسمیات نے اسلام آباد اور پنجاب میں مزید بارشوں کی پیش گوئی کر دی۔رپورٹ کے مطابق وفاقی دارالحکومت میں 14 سے 17 جولائی کے دوران موسلادھار بارشوں کی توقع ہے، راولپنڈی، مری، گلیات اور جہلم میں بھی موسلادھار بارش کا امکان ہے۔

(جاری ہے)

محکمہ موسمیات کی جانب سے لاہور، گوجرانوالہ، حافظ آباد، سیالکوٹ اور نارووال میں بارش کے ساتھ تیز ہوائیں چلنے کی پیشگوئی کی گئی ہے۔

رپورٹ کے مطابق مشرقی پنجاب میں اربن فلڈنگ اور ندی نالوں میں طغیانی کا خطرہ ہے، اسلام آباد، راولپنڈی، مری، گلیات ڈی جی خان کے ندی نالوں میں طغیانی کا خدشہ ہے۔محکمہ موسمیات کے مطابق اسلام آباد، راولپنڈی، گوجرانوالہ، لاہور، سیالکوٹ ملتان کے نشیبی علاقے زیر اب آنے کا خدشہ ہے۔موسلادھار بارش سے بجلی، انٹرنیٹ اور ٹرانسپورٹ سروس متاثر ہونے اور پنجاب میں کھڑی فصلوں کو نقصان کا اندیشہ ہے۔