سعودی پراجیکٹ مسام ،یمن میں کے تحت ایک ہفتے میں مزید ایک ہزار 171 بارودی سرنگیں تلف

بدھ 16 جولائی 2025 13:41

صنعا (اُردو پوائنٹ اخبارتازہ ترین - اے پی پی۔ 16 جولائی2025ء) سعودی عرب کے مسام پراجیکٹ کے تحت جولائی کے دوسرے ہفتے کے دوران یمن کے مختلف علاقوں سے ایک ہزار 171 بارودی سرنگوں اور دھماکہ خیز مواد کو ناکارہ بنایا گیا۔ اردو نیوز کے مطابق مسام کے مینجنگ ڈائریکٹر اسامہ القصیبی نےبتایا ہے کہ جن سرنگوں اور دھماکہ خیز مواد کو تلف کیا گیا ان میں ایک ہزار 124 پھٹنے سے رہ جانے والا آرڈیننس، 46 ٹینک شکن اور ایک اینٹی پرسنل بارودی سرنگ شامل ہے۔

جولائی کے دوران اب تک 2 ہزار 730 بارودی سرنگوں اور دھماکہ خیز ڈیوائسز کو تلف کیا جا چکا ہے۔

(جاری ہے)

انہوں نے کہا کہ یہ پراجیکٹ 2018 میں شروع کیا گیا تھا جس کے تحت اب تک5لاکھ 5 ہزار 466 بارودی سرنگیں ناکارہ بنادی گئی ہیں۔ اس پراجیکٹ کے تحت باردوی سرنگیں صاف کرنے والے مقامی انجینئرز کی تربیت کی جاتی ہے اور انھیں جدید سازوسامان فراہم کیا جاتا ہے اور جو یمنی شہری دھماکہ خیز مواد کی وجہ سے زخمی ہو جاتے ہیں، یہ پراجیکٹ انھیں مدد بھی فراہم کرتا ہے۔اس پراجیکٹ کے تحت ٹیموں کو مختلف علاقوں میں بارودی سرنگوں یا دھماکہ خیز مواد کو ناکارہ بنانے کا کام سونپا جاتا ہے تاکہ عام لوگ محفوظ رہتے ہوئے نقل و حرکت کر سکیں۔ انسانی بنیادوں کے تحت دی جانے والی امداد عام لوگوں تک پہنچ سکے۔