کرن خان نے پہلی بار اپنی طلاق پر لب کشائی کردی

میں نے اپنے سابق شوہر کے بارے میں کبھی کوئی منفی بات نہیں،طلاق ہونی تھی ہوگئی کبھی کبھی دو اچھے لوگ ساتھ نہیں رہ سکتے

جمعرات 17 جولائی 2025 11:33

کراچی (اُردو پوائنٹ اخبارتازہ ترین - این این آئی۔ 17 جولائی2025ء)پاکستانی معروف اداکارہ و میزبان کرن خان نے پہلی بار اپنی طلاق پر لب کشائی کر دی۔حال ہی میں اداکارہ نے نجی ٹی وی چینل کے پروگرام میں بطور مہمان شرکت کی جہاں انہوں نے مختلف امور پر اپنے خیالات کا کھل کر اظہار کیا۔گوکہ یہ بات کسی سے ڈھکی چھپی نہیں ہے کہ اداکارہ کی طلاق ہوچکی ہے اور ان کا سابق شوہر سے ایک بیٹا بھی ہے، جس کے ساتھ وہ اکثر تصاویر شیئر کرتی رہتی ہیں۔

اب حالیہ انٹرویو کے دوران انہوں نے طلاق اور طلاق کے بعد بچوں پر پڑنے والے اثرات پر اپنے خیالات کا اظہار کیا۔انہوں نے اپنے تجربے کی روشنی میں کہا کہ جب میری پہلی طلاق ہوئی تو میں نے یہ کبھی نہیں کہا کہ گلے میں کوئی خرابی تھی، ہمارا کوئی جھگڑا تھا یا پھر کسی تیسرے کا کوئی معاملہ تھا۔

(جاری ہے)

میں نے اپنے سابق شوہر کے بارے میں کبھی کوئی منفی بات نہیں کی بلکہ وہ بہت اچھے تھے۔

تاہم طلاق ہونی تھی اس لیے ہوگئی کبھی کبھی دو اچھے لوگ ساتھ نہیں رہ سکتے۔کرن خان نے یہ مزید کہا کہ ہم دونوں کی شخصیات الگ الگ تھیں، انہوں نے بھی طلاق کے معاملے کو بہت میچورٹی کے ساتھ ڈیل کیا اور ان کے گھر والوں نے بھی اس لیے میں یہی کہتی ہوں کے میرے بیٹے کو دونوں طرف سے بہترین ماحول ملا، جس کی وجہ سے اس کی پرورش بہت پرسکون ماحول میں ہوئی۔