سیالکوٹ ،کماد کے کاشتکار وں کو فی ایکڑ زیادہ پیداوار کیلئے ضرررساں کیڑوں سے بچاؤ کے لئے اقدامات کرنے کی ہدایت

سیالکوٹ (اُردو پوائنٹ اخبارتازہ ترین - اے پی پی۔ 17 جولائی2025ء) محکمہ زراعت (پلانٹ پروٹیکشن)نے کماد کے کاشتکار وں کو فی ایکڑ زیادہ پیداوار کیلئے ضرررساں کیڑوں سے بچاؤ کے لئے اقدامات کرنے کی ہدایت کی ہے اور کہا ہے کہ کاشتکار کماد کی فی ایکڑ زیادہ پیداوار کیلئے فصل کو پانی کی کمی ہرگز نہ آنے دیں اور ضرررساں کیڑوں سے بچاؤ کے لئے اقدامات کریں۔

اس حوالے سے ڈائریکٹرپیسٹ وارننگ و کوالٹی کنٹرول آف پیسٹی سائیڈز محکمہ زراعت(پلانٹ پروٹیکشن ) سیالکوٹ ڈاکٹر مقصوداحمد نےبتایا کہ کماد کی فی ایکڑ اچھی پیداوار کے حصول کیلئے فصل کونقصان دہ کیڑوں کے حملہ سے محفوظ رکھیں ۔ کماد کی فصل میں بارش کی آمد کے ساتھ ہی جولائی میں گورداسپوری گڑواں کے پروانے نکل آتے ہیں۔ اس کی سنڈیاں گنے کی گانٹھ سے اوپر تنے کے چھلکے کو ایک حلقے میں کترتی ہیں اور ایک سیدھی سرنگ بناتی ہیں ۔

(جاری ہے)

اس طرح گنے کے اوپر کا حصہ پہلے مرجھا تا ہے اور پھر سوکھ جا تا ہے ۔ تیز ہوا اور ہاتھ لگانے سے گنا کٹ کر گر سکتا ہے ۔ گورداسپوری بورر کا حملہ چونکہ ٹکڑیوں کی صورت میں ہوتا ہے لہذا کاشتکار ماہ جولائی اور اگست میں فصل کا با قاعدگی سے معائنہ کریں اور اگر کہیں حملہ نظر آئے تو حملہ شدہ پودوں کے متاثرہ حصے سے دو یا تین پوریاں نیچے سے کاٹ کر زمین میں دباد یں اور اس کے شدید حملہ کی صورت میں کھیت کو مونڈھا ہرگز نہ رکھیں ۔

گھوڑ امکھی کے بچے اور بالغ بچوں کی نچلی سطح سے رس چوستے ہیں ان کے جسم سے نکلنے والے مواد کی وجہ سے بچوں کی سطح پر کالے رنگ کی پھپھوندی لگ جاتی ہے جس سے پتوں میں خوراک بنانے کا عمل رک جا تا ہے ۔ گھوڑ امکھی کے دوفیلی کیڑے بہت اہم ہیں ایک انڈوں کا اور دوسرا بچوں اور بالغ کا ہے جو بہت موثر انداز میں گھوڑ امکھی کوختم کرتے ہیں۔انہوں نے بتایا کہ ایسے کھیتوں میں جہاں طفیلی کیڑا وافر مقدار میں موجود ہونفیلی کیڑے کے انڈے اور کو یوں والے پتے 6 انچ لمبائی میں کاٹ لیں اور گھوڑا مکھی کے متاثرہ کھیتوں میں جہاں طفیلی کیڑا نہ ہو ٹانک دیں ۔

کماد کی سفید مکھی کے بچے پتوں سے رس چوس کر نقصان پہنچاتے ہیں ۔ زیادہ حملہ کی صورت میں پتے پیلے ہو کر خشک ہو جاتے ہیں اور پودوں کی بڑھوتری رک جاتی ہے ۔ حملہ تھوڑی جگہ پر ہو تو حملہ شدہ پتوں کو کاٹ کر زمین میں دبادیں ۔ گنے کی اونچائی چھ فٹ ہونے سے پہلے دانے دارز ہر استعمال کر میں ۔ گنے کی فصل پر سپرے ہرگز نہ کر میں ، کھوری کو ہرگز نہ جائیں تا کہ اس میں موجود مفید کیٹرے محفوظ رہیں ۔ نقصان رساں کیڑوں کے کیمیائی تدارک کیلئے محکمہ زراعت (توسیع و پیسٹ وارنگ ) کے مقامی فیلڈ عملہ کے مشورہ سے مناسب زہر میں سپرے کر یں ۔