Live Updates

نیشنل ہائی ویز اینڈ موٹر وےہر قسم کی ٹریفک کی آمد و رفت کے لیے کھلی ہیں، ترجمان

جمعرات 17 جولائی 2025 18:07

اسلام آباد (اُردو پوائنٹ اخبارتازہ ترین - اے پی پی۔ 17 جولائی2025ء) نیشنل ہائی ویز اینڈ موٹر وےہر قسم کی ٹریفک کی آمد و رفت کے لیے کھلی ہیں ۔ ترجمان نے جاری بیان میں کہا کہ صبح کے وقت موٹر وے ایم ون اور ایم ٹو پر شدید بارش کی وجہ سے کچھ دیر ٹریفک کی روانی میں خلل پیدا ہوا تھا لیکن اب موٹر ویز کھلی ہیں۔

(جاری ہے)

ترجمان نے کہا کہ تاہم بارش کے دوران سڑکیں پھسلن کا شکار ہو جاتی ہیں جس سے حادثات کا خطرہ بڑھ جاتا ہے، لہذا غیر ضروری سفر سے گریز کریں، سفر کرنا مقصود ہو تو چند ہدایات پر ضرور عمل کریں،رفتار کم رکھیں اور اگلی گاڑی سے فاصلہ زیادہ رکھیں، گاڑی کی لائٹس اور وائپر درست حالت میں رکھیں، موبائل فون استعمال نہ کریں اور مکمل توجہ ڈرائیونگ پر رکھیں۔

پہاڑی علاقوں کی جانب سفر کرنے والے ڈرائیورز بالخصوص سیاح ڈرائیونگ میں زیادہ احتیاط برتیں، کسی بھی مدد کی صورت میں نیشنل ہائی ویز اینڈ موٹر وے پولیس ہیلپ لائن 130 پر رابطہ کیا جا سکتا ہے۔آپ کی حفاظت ہماری اولین ترجیح ہے۔